മിനി സ്ക്രീനിലൂടെയും ബിഗ് സ്ക്രീനിലൂടെയും മലയാളികൾക്ക് സൂപരിചിതയായ നടിയാണ് സോനാ നായർ. മമ്മൂട്ടിക്കൊപ്പമുള്ള അഭിനയത്തെ പറ്റി സോന പറഞ്ഞ കാര്യങ്ങളാണ് ഇപ്പോൾ പ്രേക്ഷക ശ്രദ്ധ നേടുന്നത്. മാസ്റ്റർ ബിൻ ചാനലിലെ അഭിമുഖത്തിനിടയിലാണ് രസകരമായ കാര്യങ്ങളെപ്പറ്റി സോന സംസാരിച്ചത്.
സിനിമയെ അത്രത്തോളം ഇഷ്ടം ആയതുകൊണ്ട് തന്നെ പല സിനിമകളിലെ കഥാപാത്രങ്ങളും തന്റെ വീട്ടിലെ ആരെങ്കിലും ആയിരുന്നെങ്കിൽ എന്ന് പലപ്പോഴും ആഗ്രഹിച്ചിട്ടുള്ള വ്യക്തിയാണ് താൻ. അങ്ങനെയുള്ള ഒരാളാണ് മമ്മൂട്ടി, അദ്ദേഹത്തിന്റെ പഴയ പല സിനിമകളും തനിക്ക് അത്രമാത്രം ഇഷ്ടമാണ്. അതുപോലെ തന്നെ അദ്ദേഹം സെറ്റിലേക്ക് വരുമ്പോൾ തന്നെ എല്ലാവരും നിശബ്ദരാകും.
പെട്ടെന്നുള്ള ആ ഒരു നിശബ്ദത കേൾക്കുമ്പോൾ തന്നെ മനസ്സിലാകും മമ്മൂക്ക സെറ്റിലേക്ക് വരുന്നതാണ്. അരയന്നങ്ങളുടെ വീട് എന്ന ചിത്രത്തിലാണ് മമ്മൂക്കയ്ക്കൊപ്പം താൻ ആദ്യമായി അഭിനയിക്കുന്നത്. അദ്ദേഹത്തിനൊപ്പം അഭിനയിക്കുമ്പോൾ നന്നായി അഭിനയിച്ചാൽ അദ്ദേഹത്തിന്റെ മുഖഭാവം മാറുന്നത് പെട്ടെന്നാണ്. അദ്ദേഹം അപ്പോൾ തന്നെ നമ്മളോട് പറയും വളരെ നന്നായിട്ടുണ്ടെന്ന്. അങ്ങനെ പറയുന്ന വളരെ കുറച്ച് ആളുകളെ സിനിമ മേഖലയിലുള്ളു. അദ്ദേഹം നമ്മുടെ കഴിവിനെ അംഗീകരിക്കുന്ന വ്യക്തിയാണെന്നും സോന പറഞ്ഞു.
Read more
വളരെ കുറച്ച് താരങ്ങൾ മാത്രമേ അങ്ങനെ പെരുമാറാറുള്ളൂ. അതിലൊന്നാണ് മമ്മൂട്ടി. ഒരിക്കൽ അരയന്നങ്ങളുടെ വീടിന്റെ സെറ്റിൽ വെച്ച് മമ്മൂട്ടി തന്നെ കൊണ്ട് പാട്ട് പാടിച്ച കാര്യവും സോന പറഞ്ഞു. ഷൂട്ടിങ്ങിനിടെ ഒരു ദിവസം ഉച്ചയ്ക്ക് എല്ലാവരും വിശ്രമിക്കുന്ന സമയത്ത് അദ്ദേഹം തന്നോട് പെട്ടന്ന് പാട്ട് പാടാൻ പറയുകയായിരുന്നു. ആദ്യമൊന്ന് അമ്പരന്നിരുന്നെങ്കിലും പിന്നീട് പാട്ട് പാടിയെന്നും സോന കൂട്ടിച്ചേർത്തു.
