വാത്സ്യായനന് രചിച്ച കാമസൂത്രം അടിസ്ഥാനമാക്കി വെബ് സീരീസ് ഒരുങ്ങുന്നു. ഏക്താ കപൂര് നിര്മ്മിക്കുന്ന സീരീസില് സണ്ണി ലിയോണാണ് നായികയായി എത്തുക എന്നാണ് വിവരം. സണ്ണിയും എക്തയും മറ്റ് അണിയറപ്രവര്ത്തകരുമായി ഇക്കാര്യത്തില് ചര്ച്ച നടന്നു വരികയാണ്. എന്നാല് വേഷത്തോട് സണ്ണി ലിയോണ് സമ്മതം മൂളിയോ എന്ന കാര്യം വ്യക്തമല്ല.
13-ാം നൂറ്റാണ്ടില് രാജസ്ഥാനിലെ രാജാക്കന്മാരുടെ വിവാഹം ചെയ്യാത്ത പങ്കാളികളായി ജീവിച്ചു പോന്ന സ്ത്രീകളെ കുറിച്ചുള്ള സാങ്കല്പ്പിക കഥയാവും ഈ വെബ് സീരീസ് കൊണ്ട് പറയാന് ഉദ്ദേശിക്കുന്നത്. രാഗിണി എംഎംഎസ് എന്ന ചിത്രത്തില് സണ്ണിയും ഏക്തായും ഒന്നിച്ചു പ്രവര്ത്തിച്ചിട്ടുണ്ട്. വാത്സ്യായനന് രചിച്ച കാമസൂത്രം പരക്കെ അറിയപ്പെടുന്നത് ലൈംഗികതയുടെ പ്രമാണഗ്രന്ഥം എന്നാണെങ്കിലും ജീവനകലയെ പറ്റിയുള്ള ആധികാരിക വിശകലനം ആണിത്.
Read more
നേരത്തെ ഹോളിവുഡ്-ബോളിവുഡ് സംവിധായിക മീരാ നായരാണ് കാമസൂത്രത്തെ അടിസ്ഥാനപ്പെടുത്തി ഒരു ചിത്രം സംവിധാനം ചെയ്തത്. 1996-ലായിരുന്നു ഇത്. രേഖ, ഇന്ദിരാ വര്മ്മ എന്നിവര് പ്രധാന കഥാപാത്രങ്ങളായി എത്തിയ “കാമസൂത്ര-എ ടെയില് ഒഫ് ലവ്” എന്ന പേരില് പുറത്തിറങ്ങിയ ഈ ചിത്രം ഏറെ വിവാദങ്ങള്ക്ക് കാരണമായിരുന്നു.