ഐസിഎല് ഫിന്കോര്പ്പിന്റെ പുതിയ എന്.സി.ഡി ഇഷ്യു ഏപ്രില് 10-ന് ആരംഭിക്കുന്നു; യഥാര്ത്ഥ ആദായം 12.25% വരെ
ഐ.സി.എല് ഫിന്കോര്പ്പിന്റെ ഏറ്റവും പുതിയ സെക്യൂര്ഡ് റിഡീമബിള് നോണ്-കണ്വെര്ട്ടിബിള് ഡിബഞ്ചറുകളുടെ (NCDs) പബ്ലിക് ഇഷ്യു ഈ മാസം ഏപ്രില് 10-ന് ആരംഭിക്കുന്നു. 12.25% വരെ യഥാര്ത്ഥ ആദായം (Effective Yield) വാഗ്ദാനം ചെയ്യുന്ന ഈ എന്.സി.ഡി ഇഷ്യു ഫ്ലെക്സിബിള് കാലാവധികള് തേടുന്നവര്ക്ക് ആകര്ഷകവും സുരക്ഷിതവുമായ ഒരു നിക്ഷേപാവസരമാണ്.
മുന് എന്.സി.ഡി ഇഷ്യുകള്ക്ക് ലഭിച്ച ഉജ്ജ്വലമായ പ്രതികരണത്തിലും നിക്ഷേപകര് അര്പ്പിച്ച വിശ്വാസത്തിലും സന്തുഷ്ടരാണെന്ന് ഐസില് ഫിന്കോര്പ്പ് അറിയിക്കുന്നു. തുടര്ച്ചയായ പിന്തുണ, ഉപഭോക്താക്കളുടെ മാറുന്ന ആവശ്യങ്ങള്ക്കനുസരിച്ച് കൂടുതല് മെച്ചപ്പെട്ട സാമ്പത്തിക സേവനങ്ങള് നല്കാനും പ്രചോദനമാകുന്നുവെന്നും കമ്പനി മാനേജ്മെന്റ് വ്യക്തമാക്കി.
പുതിയ എന്.സി.ഡി ഇഷ്യു 2026 ഏപ്രില് 24 വരെ തുറന്നിരിക്കും. ഇതിന് ACUITÉ BBB-/STABLE റേറ്റിംഗ് ലഭിച്ചിട്ടുണ്ടെന്നും ഐസിഎല് ഫിന്കോര്പ്പ് അവകാശപ്പെടുന്നു. ഓരോ എന്.സി.ഡി-യുടെയും മുഖവില 1,000 രൂപയാണ്. 13, 24, 36, 60, 72 മാസങ്ങളിലായി പ്രതിമാസ, വാര്ഷിക, ക്യുമുലേറ്റീവ് (Cumulative) പലിശ ഓപ്ഷനുകളുള്ള 10 ഓപ്ഷനുകള് (10 ISINs) ഈ ഇഷ്യു വാഗ്ദാനം ചെയ്യുന്നു. പലിശ നിരക്കുകള് 10.00% മുതല് 12.25% വരെയാണ്. കുറഞ്ഞ അപേക്ഷാ തുക 10,000 രൂപ ആയതിനാല് വലിയൊരു വിഭാഗം നിക്ഷേപകര്ക്ക് ഇത് എളുപ്പത്തില് പ്രയോജനപ്പെടുത്താനാകും.
ഈ ഇഷ്യു വഴി സമാഹരിക്കുന്ന തുക ഐ.സി.എല് ഫിന്കോര്പ്പിന്റെ വളര്ച്ചാ സംരംഭങ്ങളെ പിന്തുണയ്ക്കുന്നതിനും ഇന്ത്യയിലുടനീളമുള്ള ഉപഭോക്താക്കള്ക്കും ഓഹരി ഉടമകള്ക്കും നല്കുന്ന സേവനങ്ങളുടെ നിലവാരം മെച്ചപ്പെടുത്തുന്നതിനും തന്ത്രപരമായി വിനിയോഗിക്കുമെന്നും ഐസിഎല് ഫിന്കോര്പ്പ് അറിയിച്ചു. വിശ്വസനീയവും നൂതനവും ഉപഭോക്തൃ കേന്ദ്രീകൃതവുമായ സാമ്പത്തിക സേവനങ്ങള് നല്കാനുള്ള തങ്ങളുടെ പ്രതിബദ്ധതയെ ഇത് അടിവരയിടുന്നുവെന്നും കമ്പനി വ്യക്തമാക്കി.
35 വര്ഷത്തെ പാരമ്പര്യമുള്ള ഐ.സി.എല് ഫിന്കോര്പ്പ്, ചെയര്മാനും മാനേജിങ് ഡയറക്ടറുമായ അഡ്വ. കെ.ജി. അനില്കുമാറിന്റെ ദീര്ഘവീക്ഷണത്തോടെയുള്ള നേതൃത്വത്തില് വിശ്വസ്ത സാമ്പത്തിക പങ്കാളിയായി ഐസിഎല് ഫിന്കോര്പ്പ് സേവനം തുടരുന്നു. കേരളം, തമിഴ്നാട്, ആന്ധ്രാപ്രദേശ്, തെലങ്കാന, കര്ണാടക, മഹാരാഷ്ട്ര, ഒഡീഷ, ഗുജറാത്ത്, പശ്ചിമ ബംഗാള്, ഗോവ, ഡല്ഹി, രാജസ്ഥാന് എന്നിങ്ങനെ 12 സംസ്ഥാനങ്ങളിലേക്ക് സ്ഥാപനം സാന്നിധ്യം വ്യാപിച്ചു കഴിഞ്ഞു. ഒരു അഖിലേന്ത്യാ സാന്നിധ്യം സ്ഥാപിക്കുന്നതിലേക്ക് തങ്ങള് അതിവേഗം മുന്നേറുകയാണെന്നും ഐസിഎല് ഫിന്കോര്പ്പ് അറിയിക്കുന്നു. ICL ഗ്രൂപ്പിന്റെ കീഴിലുള്ള, ബി.എസ്.ഇ-യില് ലിസ്റ്റ് ചെയ്ത എന്.ബി.എഫ്.സിയായ സേലം ഈറോഡ് ഇന്വെസ്റ്റ്മെന്റ്സ് (Salem Erode Investments) ധനകാര്യ മേഖലയിലെ അവരുടെ സാന്നിധ്യം വര്ദ്ധിപ്പിക്കുകയും ഐസിഎല് ഫിന്കോര്പ്പിന്റെ സ്ഥാനം കൂടുതല് ശക്തിപ്പെടുത്തുകയും ചെയ്യുന്നതില് മുഖ്യ പങ്കു വഹിക്കുന്നുവെന്നും കമ്പനി അറിയിച്ചു.
ഗോള്ഡ് ലോണുകള്, ഹയര് പര്ച്ചേസ് ലോണുകള്, ബിസിനസ് ലോണുകള് എന്നിവ ഉള്പ്പെടെയുള്ള സമഗ്രമായ സേവന പോര്ട്ട്ഫോളിയോ ഐ.സി.എല് ഫിന്കോര്പ്പ് വാഗ്ദാനം ചെയ്യുന്നു. ട്രാവല്, ഫാഷന്, ഡയഗ്നോസ്റ്റിക്സ്, എന്നിങ്ങനെ വിവിധ മേഖലകളിലേക്കും ഐ.സി.എല് ഗ്രൂപ്പ് അതിന്റെ പ്രവര്ത്തനം വ്യാപിപ്പിച്ചിട്ടുണ്ട്. ചെയര്മാനും മാനേജിങ് ഡയറക്ടറുമായ അഡ്വ. കെ.ജി. അനില്കുമാറിന്റെയും ഹോള്-ടൈം ഡയറക്ടറും സി.ഇ .ഒ-യുമായ ഉമാദേവി അനില്കുമാറിന്റെയും സംയുക്ത നേതൃത്വത്തില്, ഒരു എന്. ബി. എഫ്. സി ആയ ഐ സി എല് ഫിന്കോര്പ്പ്, റിസര്വ് ബാങ്ക് ഓഫ് ഇന്ത്യയുടെ മാനദണ്ഡങ്ങള് പാലിച്ച് പ്രവര്ത്തിക്കുകയും ഉപഭോക്താക്കളുടെ ശാശ്വതമായ വിശ്വാസം നേടിയെടുക്കുകയും ചെയ്തിരിക്കുന്നുവെന്നും മാനേജ്മെന്റ് വ്യക്തമാക്കുന്നു.
ഈ പുതിയ എന്.സി.ഡി ഇഷ്യു അവതരിപ്പിക്കുമ്പോള്, സാമ്പത്തിക വളര്ച്ച, സുരക്ഷ, ദീര്ഘകാല മൂല്യം എന്നിവയിലേക്കുള്ള ഞങ്ങളുടെ യാത്രയുടെ ഭാഗമാകുവാന് നിങ്ങളെ ഞങ്ങള് സ്നേഹപൂര്വ്വം ക്ഷണിക്കുന്നുവെന്നും ഐസിഎല് ഫിന്കോര്പ്പ് അറിയിച്ചു. കൂടുതല് വിവരങ്ങള്ക്കായി അടുത്തുള്ള ഐ.സി.എല് ഫിന്കോര്പ്പ് ബ്രാഞ്ച് സന്ദര്ശിക്കൂ. ആപ്ലിക്കേഷന് ഡൗണ്ലോഡ് ചെയ്യുന്നതിനായി സന്ദര്ശിക്കൂ: www.iclfincorp.com അന്വേഷണങ്ങള്ക്കായി വിളിക്കൂ: +91 85890 20137, +91 85890 20186
____________________
എ.ഐ. ഹാർഡ്വെയർ നിർമാണത്തിലേക്ക് കൊച്ചി; എസ്.എഫ്.ഒ.യും യു.എസ്. കമ്പനിയും കൈകോർക്കുന്നു
സ്വർണ്ണ വ്യാപാര മേഖലയിലേക്ക് പുതിയ തട്ടിപ്പുകാർ കടന്നുവരുന്നു; ഉപഭോക്താക്കളേക്കാൾ വലിയ നഷ്ടം നേരിടുന്നത് സ്വർണ്ണാഭരണ നിർമ്മാതാക്കൾ
