ചൈനയെ മറികടന്ന് ഇന്ത്യ ലോകത്തിലെ ഏറ്റവും ജനസംഖ്യയുള്ള രാഷ്ട്രമായി മാറിയെന്നാണ് ഈ വർഷം ആദ്യം പുറത്തുവിട്ട സ്ഥിതിവിവരക്കണക്കുകൾ വെളിപ്പെടുത്തുന്നത്. ലോകത്തിന്റെ മിക്കവാറും എല്ലാ കോണുകളിലും ഒരു മലയാളിയെയോ അല്ലെങ്കിൽ ഇന്ത്യക്കാരനെയെങ്കിലും കണ്ടുമുട്ടിയേക്കാം എന്നാണ് പൊതുവെ പറയാറുള്ളത്. ലോകത്തെ 195 രാജ്യങ്ങളിൽ മിക്കവയിലും ഇന്ത്യക്കാർ താമസിക്കുന്നുണ്ട്. എന്നാൽ ഇന്ത്യക്കാർ താമസിക്കാത്ത ചില രാജ്യങ്ങളുമുണ്ട്. അവ ഏതൊക്കെയെന്ന് നോക്കാം.
ബൾഗേറിയ
തെക്ക് – കിഴക്കൻ യൂറോപ്പിൽ സ്ഥിതി ചെയ്യുന്ന ബൾഗേറിയയിലെ ജനസംഖ്യ 2019 ലെ സെൻസസ് പ്രകാരം 6,951,482 ആണ്. ഇവിടെ താമസിക്കുന്ന ഭൂരിഭാഗം ആളുകളും ക്രിസ്തുമതത്തിൽ വിശ്വസിക്കുന്നവരാണ്. ഇന്ത്യൻ നയതന്ത്രജ്ഞർ ഒഴികെ ഒരു ഇന്ത്യക്കാരും ഈ രാജ്യത്ത് സ്ഥിരതാമസമാക്കിയിട്ടില്ല എന്നാണ് റിപ്പോർട്ടുകൾ.
സാൻ മറിനോ
ലോകത്തിലെ ഏറ്റവും പഴക്കമുള്ള റിപ്പബ്ലിക്കുകളിൽ ഒന്നാണ് സാൻ മറിനോ. വടക്കൻ മധ്യ ഇറ്റലിയാൽ ചുറ്റപ്പെട്ട ഒരു പർവതപ്രദേശമാണ് സാൻ മറിനോ. ഇവിടെ താമസിക്കുന്നവരുടെ ജനസംഖ്യ 3,35,620 ആണ്. അതിൽ ഒരു ഇന്ത്യക്കാരനും ഉൾപ്പെടുന്നില്ല. എന്നാൽ മനോഹരമായ ഈ രാജ്യത്ത് ഇന്ത്യക്കാർ പലപ്പോഴും വിനോദസഞ്ചാരികളായി കാണപ്പെടാറുണ്ട്.
വത്തിക്കാൻ സിറ്റി
ലോകമെമ്പാടുമുള്ള ദശലക്ഷക്കണക്കിന് റോമൻ കത്തോലിക്കരുടെ ആത്മീയ കേന്ദ്രമാണ് വത്തിക്കാൻ സിറ്റി. ഏറ്റവും കുറഞ്ഞ ജനസംഖ്യയുള്ള യൂറോപ്യൻ രാജ്യങ്ങളിൽ ഒന്നാണ് ഈ രാജ്യം. ഒരു ഇന്ത്യക്കാരൻ പോലും വത്തിക്കാൻ സിറ്റിയിൽ സ്ഥിരതാമസമാക്കിയിട്ടില്ല എന്നതാണ് ശ്രദ്ധേയം.
തുവാലു
തുവാലു എന്ന രാജ്യം മുമ്പ് എല്ലിസ് ദ്വീപുകൾ എന്ന പേരിൽ എന്നറിയപ്പെട്ടിരുന്നു. ഓസ്‌ട്രേലിയയുടെ വടക്കുകിഴക്കായി പസഫിക് സമുദ്രത്തിലാണ് ഈ രാജ്യം സ്ഥിതി ചെയ്യുന്നത്. ഏകദേശം 10,000 ത്തോളം പേരാണ് ഇവിടെ താമസിക്കുന്നത്. അതിൽ, വളരെ കുറച്ച് ഇന്ത്യൻ വംശജരുണ്ട്. ഈ ദ്വീപിൽ 8 കിലോമീറ്റർ നീളമുള്ള റോഡുകൾ മാത്രമേയുള്ളൂ. ഒരു ഇന്ത്യക്കാരനും ഇവിടെ സ്ഥിരതാമസമാക്കിയിട്ടില്ല.
ഒരുകാലത്ത് ബ്രിട്ടീഷ് കോളനിയായിരുന്ന തുവാലു 1978 ലാണ് സ്വാതന്ത്ര്യം നേടിയത്. എത്തിച്ചേരാൻ ബുദ്ധിമുട്ടാണ് എന്നതിനാൽ രാജ്യത്തെ ടൂറിസത്തിനും വലിയ പ്രാധാന്യമില്ല. 2010ൽ 2,000 ത്തിൽ താഴെ സന്ദർശകരാണ് തുവാലുവിൽ എത്തിയത്. അവരിൽ തന്നെ 65% പേരും ബിസിനസ്സിനു വേണ്ടി മാത്രംവന്നവരാണ്.
പാകിസ്ഥാൻ
Read more
യഥാർത്ഥത്തിൽ നമ്മുടെ അയൽരാജ്യമായ പാകിസ്ഥാനിൽ ഇന്ത്യക്കാർ ആരും താമസിക്കുന്നില്ല എന്നതാണ് റിപ്പോർട്ടുകൾ പറയുന്നത്. ഇരു രാജ്യങ്ങളും തമ്മിലുള്ള സംഘർഷവും വഷളായ ബന്ധവുമാണ് ഇതിന് കാരണമായി പറയുന്നത്. നയതന്ത്രജ്ഞരും തടവുകാരും മാത്രമാണ് പാക്കിസ്ഥാനിലുള്ള ഇന്ത്യക്കാർ.
