ഒരു വീട് കെട്ടിപ്പടുത്തുയര്‍ത്താന്‍ ഹോം ലോണ്‍ മികച്ച മാര്‍ഗമാണ്. എന്നാല്‍ ഇപ്പോള്‍ തന്നെ പല കടബാധ്യതയുമുള്ളവരാണെങ്കിലോ? ലോണ്‍ മാനേജ്മെന്റ് എന്നത് പലരെ സംബന്ധിച്ചും ബുദ്ധിമുട്ടുള്ള കാര്യമാണ്. പ്രത്യേകിച്ച് ഉയര്‍ന്ന പലിശ നിരക്കുള്ള സാഹചര്യത്തില്‍. ബഡ്ജറ്റ് കൈകാര്യം ചെയ്യേണ്ടത് പ്രധാനമാണ്. ഇപ്പോഴേ നടത്തുന്ന ചില മുന്നൊരുക്കങ്ങള്‍ ഭാവിയില്‍ ഹോം ലോണിനുള്ള നിങ്ങളുടെ യോഗ്യത വര്‍ധിപ്പിക്കാം.
പറ്റാവുമ്പോഴെല്ലാം ഇ.എം.ഐ മുന്‍കൂറായി അടക്കുക:
ഇതിന്റെ ആദ്യ പടി നിലവിലുള്ള കട ബാധ്യത കുറയ്ക്കാന്‍ ശ്രമിക്കുകയെന്നതാണ്. വര്‍ഷാവര്‍ഷം അടയ്ക്കേണ്ടതിനേക്കാള്‍ അല്പം അധികം അടയ്ക്കാന്‍ കഴിയുമോയെന്ന് കണക്കുകൂട്ടുക. പറ്റുമെങ്കില്‍ ഇങ്ങനെ അടക്കുന്നത് ഒരുപാട് പലിശ ലാഭിക്കാന്‍ സഹായിക്കും. കൂടാതെ ലോണ്‍ എളുപ്പം അടച്ചുതീര്‍ക്കാനും കഴിയും.
ഇതിനായുള്ള ഒരു വഴി മാസത്തില്‍ ഇ.എം.ഐ അടയ്ക്കുമ്പോള്‍ കുറച്ചു തുക കൂട്ടിയടക്കുകയെന്നതാണ്. ഉദാഹരണത്തിന്, 15000 രൂപയാണ് ഇ.എം.ഐ എങ്കില്‍ 30000 അടയ്ക്കാന്‍ പറ്റുമെങ്കില്‍ അത് ചെയ്യുക.
കുറഞ്ഞ പലിശ നിരക്കില്‍ ഹോം ലോണ്‍ റീ ഫിനാന്‍സ് ചെയ്യുക
കടംകൊണ്ട് ബുദ്ധിമുട്ടുകയാണെങ്കില്‍ കുറഞ്ഞ പലിശ നിരക്കുള്ള ഹോം ലോണ്‍ കൊണ്ട് കാര്യമുണ്ടോയെന്ന് നോക്കുക. നിലവില്‍ ഹോം ലോണ്‍ ഉളളവര്‍ക്ക് പലിശ നിരക്ക് കുറഞ്ഞ് കിട്ടുന്നത് ഏറെ സഹായിക്കും. ഇതുവഴി ലോണ്‍ വേഗത്തില്‍ തിരിച്ചടക്കാന്‍ കഴിയുകയും പലിശയിനത്തില്‍ കുറച്ചധികം ലാഭിക്കാന്‍ കഴിയുകയും ചെയ്യും. ഇതിന് രണ്ട് വഴികളുണ്ട്. ഒന്ന് നിലവില്‍ വായ്പയെടുത്തിടത്തുനിന്നുതന്നെ ലോണ്‍ റീ ഫിനാന്‍സ് ചെയ്യുക, അല്ലെങ്കില്‍ അടയ്ക്കാന്‍ ബാക്കിയുള്ള തുക കുറേക്കൂടി ആകര്‍ഷകമായ പലിശ നിരക്കുള്ള മറ്റൊരു വായ്പാ സ്ഥാപനത്തിലേക്ക് മാറ്റുക.
കുറഞ്ഞ പലിശ നിരക്കുള്ള സ്ഥാപനത്തിലേക്ക് ഹോം ലോണ്‍ മാറ്റുകയെന്നത് ഇന്ന് മുമ്പത്തെക്കാള്‍ ലളിതമായ കാര്യമാണ്. ഇന്ന് നമ്മുടെ വീട്ടിലിരുന്ന് തന്നെ ഫോണിലും കമ്പ്യൂട്ടറിലും വിവിധ ബാങ്ക് ലോണുകളെ പലിശ നിരക്കുകള്‍ താരതമ്യം ചെയ്യാവുന്നതാണ്. കുറഞ്ഞ നിരക്കുള്ള ഹോം ലോണിനായി മിനിറ്റുകള്‍ക്കകം അപേക്ഷിക്കുകയും ചെയ്യാം. മാസം അടയ്ക്കേണ്ട തവണ സംഖ്യ കുറച്ചു കിട്ടാനും കൂടിയ പലിശ നിരക്കില്‍ നിന്നും രക്ഷനേടാനും ആഗ്രഹിക്കുന്നവര്‍ക്ക് ഇത് വലിയ അനുഗ്രഹമാണ്.
അധികവരുമാനം നേടാനുള്ള വഴി നോക്കുക:
കടബാധ്യത തീര്‍ക്കാനായി നിലവിലെ വരുമാനം കൊണ്ട് പറ്റുന്നില്ലെങ്കില്‍ ഓവര്‍ടൈം ചെയ്തോ പാര്‍ട്ട് ടൈം ആയി മറ്റെന്തെങ്കിലും ജോലി നോക്കിയോ പണം കണ്ടെത്തുക. അനാവശ്യമായ ചെലവുകള്‍ വെട്ടിച്ചുരുക്കിയും സ്വത്തുവകകളില്‍ ചിലത് വിറ്റും കടംതീര്‍ക്കാം.
അധിക വരുമാനം കണ്ടെത്താനുള്ള പ്രധാന വഴിയാണ് പാര്‍ട്ട് ടൈം ജോലി. പല കമ്പനികളും പാര്‍ട്ട് ടൈം ആയി എഴുത്തുകാരെയും ഡിസൈനര്‍മാരെയും ട്രാന്‍സ്ലേറ്റര്‍മാരെയും തേടുന്നുണ്ട്. നിങ്ങള്‍ക്കു താല്‍പര്യമുള്ള മേഖലയില്‍ ജോലി ചെയ്യാം.
കടംകൊണ്ട് നില്‍ക്കാന്‍ പറ്റാത്ത അവസ്ഥയാണ്, എന്നാലും ബാങ്ക് ലോണ്‍ എങ്ങനെയൊക്കെയോ അടക്കുന്നുണ്ട് എന്നാണ് നിങ്ങളുടെ അവസ്ഥയെങ്കില്‍ കടക്കെണിയില്‍ നിന്നും ഊരാന്‍ നിങ്ങള്‍ക്കു മുമ്പില്‍ ഒട്ടേറെ വഴികളുണ്ട്. ആദ്യം, പറ്റുന്നത്ര വേഗത്തില്‍ ഹോം ലോണ്‍ അടച്ചുതീര്‍ക്കുക. ഇത് പലിശയിനത്തില്‍ കുറേപണം ലാഭിക്കാന്‍ സഹായിക്കും. കൂടാതെ വീടിന്റെ ഉടമസ്ഥതയും ലഭിക്കും.
Read more
ശേഷം, പുതിയ ഹോം ലോണിലേക്ക് പോകുന്നതിനു മുമ്പ് അത്യാവശ്യ സാഹചര്യങ്ങളില്‍ ഉപയോഗിക്കാന്‍ അല്പം പണം കയ്യില്‍ കരുതണം. ഇനി ലോണ്‍ റീ ഫിനാന്‍സ് ചെയ്യുന്നതാണ് ആലോചിക്കുന്നതെങ്കില്‍ കൃത്യമായി കണക്കുകൂട്ടല്‍ നടത്തി അങ്ങനെ ചെയ്യുന്നതുകൊണ്ട് കാര്യമുണ്ടെന്ന് ഉറപ്പാക്കണം.
