അമേരിക്കയില്‍ 75 കോടി വിലമതിക്കുന്ന ഹോട്ടല്‍ വെറും 875 രൂപക്ക് സ്വന്തമാക്കാം. അമേരിക്കയിലെ കൊളറാഡോയിലെ ഡെന്‍വറില്‍ ആണ് ലോക ശ്രദ്ധ നേടിയ ഹോട്ടല്‍ വില്‍പ്പനയ്ക്കുള്ളത്. ഇത്രയും ലാഭത്തിന് ഹോട്ടല്‍ സ്വന്തമാക്കണമെങ്കില്‍ ചില നിബന്ധനകള്‍ പാലിക്കണ്ടേതുണ്ട്. ഫോക്‌സ് ന്യൂസ് ആണ് വില്‍പ്പന സംബന്ധിച്ച റിപ്പോര്‍ട്ട് പുറത്തുവിട്ടിരിക്കുന്നത്.
2023ല്‍ ഡെന്‍വര്‍ ഡിപാര്‍ട്ട്‌മെന്റ് ഓഫ് ഹൗസിങ് സ്റ്റെബിലിറ്റി കമ്പനി ഒമ്പത് മില്യന്‍ ഡോളറിനാണ് സ്ഥലം ഏറ്റെടുത്തത്. നിലവില്‍ 875 രൂപയ്ക്ക് വില്‍പ്പനയക്ക് വച്ചിരിക്കുന്ന കെട്ടിടം ഇതോടകം ലോകം മുഴുവന്‍ ചര്‍ച്ചയായി കഴിഞ്ഞു. എന്നാല്‍ ഇതോടൊപ്പമുള്ള നിബന്ധനകളാണ് നിക്ഷേപകരെ രണ്ടാമത് ഒന്ന് ചിന്തിപ്പിക്കുന്നത്.
കെട്ടിടം വാങ്ങുന്ന വ്യക്തി കെട്ടിടം മുഴുവനായി നവീകരിക്കുകയും ഹോട്ടലിനെ ഭവനരഹിതര്‍ക്ക് വിട്ടുകൊടുക്കുകയും വേണം. 99 വര്‍ഷത്തേക്ക് വരുമാന നിയന്ത്രിത ഭവനമായി പ്രവര്‍ത്തിക്കണമെന്ന ഉടമ്പടിയോടെ കെട്ടിടം വില്‍ക്കുക. നഗരത്തിലെ ഭവനരഹിതരുടെ പ്രശ്നത്തിന് പരിഹാരം കാണാന്‍ വേണ്ടിയാണ് മോട്ടലിനെ ‘സപ്പോര്‍ട്ടിവ് ഹൗസിങ് ആയി മാറ്റണമെന്ന് പഴയ ഉടമ നിര്‍ബന്ധിക്കുന്നത്.
Read more
പുതിയ ഉടമയെ തിരഞ്ഞെടുക്കുന്നതിനുള്ള നീക്കങ്ങള്‍ നടക്കുന്നുണ്ടെന്നും അപേക്ഷകരുടെ അവലോകനം പുരോഗമിക്കുകയാണെന്നും ഡെന്‍വര്‍ ഡിപാര്‍ട്ട്‌മെന്റ് ഓഫ് ഹൗസിങ് സ്റ്റെബിലിറ്റിയുടെ വക്താവ് ഡെറക് വുഡ്ബറി പറഞ്ഞു. ശേഷം കരാര്‍ അംഗീകരിക്കുന്നതിന് സിറ്റി കൗണ്‍സിലിന്റെ മുന്നിലെത്തും.
