ഇന്ധനവില വർധിച്ച് വരുന്ന സാഹചര്യത്തിൽ ഇലക്ട്രിക് ബൈക്കുകളുടെ സാധ്യത തിരിച്ചറിഞ്ഞതോടെ ഒഡിസി എന്ന കമ്പനി ഇന്ത്യയിൽ പുറത്തിറക്കിയ പുതിയൊരു ഇലക്ട്രിക് മോട്ടോർസൈക്കിൾ ആണ് ഒഡിസി വേഡെർ. ആകർഷകമായ സവിശേഷതകളും റേഞ്ചുമായാണ് കമ്പനി വേഡെറിനെ ഇന്ത്യയിൽ അവതരിപ്പിച്ചിരിക്കുന്നത്. ഒഡിസിയിൽ നിന്നുള്ള രണ്ടാമത്തെ ഇലക്ട്രിക് ബൈക്കാണിത്. ഇന്ത്യൻ വിപണിയിൽ ഇതിനകം വിൽപനയിലുള്ള ഇവോക്കിസിന് താഴെയായിട്ടാണ് വേഡെർ സ്ഥാനം പിടിച്ചിരിക്കുന്നത്.

ലൈവ് ട്രാക്കിംഗ്, ജിയോ-ഫെൻസിങ്, ലോ ബാറ്ററി അലേർട്ടുകൾ, CO2 സേവിങ്സ് ഡിസ്പ്ലേ തുടങ്ങിയവ കാണിക്കുന്ന 7 ഇഞ്ച് കൺസോളാണ് ഒഡിസി വേഡെർ ഇലക്ട്രിക്ക് ബൈക്കിലുള്ളത്. 3.7kWh ലിഥിയം – അയൺ ബാറ്ററിയാണ് കമ്പനി ബൈക്കിൽ നൽകിയിരിക്കുന്നത്. ബാറ്ററി പൂർണമായും ചാർജ് ചെയ്യാൻ നാല് മണിക്കൂർ സമയമാണ് ആവശ്യമായി വരുന്നത്. ബ്രേക്കിംഗിനായി മുൻവശത്ത് 240 mm ഡിസ്‌ക് ബ്രേക്കും പിന്നിൽ 220 mm ഡിസ്‌ക് ബ്രേക്കോടുകൂടിയ കോമ്പി ബ്രേക്കിംഗ് സിസ്റ്റവുമായാണ് കമ്പനി വാഗ്‌ദാനം ചെയ്യുന്നത്.

ഗൂഗിൾ ആൻഡ്രോയിഡ് ഡിസ്‌പ്ലേയിൽ പ്രവർത്തിക്കുന്ന ഇന്ത്യയിലെ ആദ്യത്തെ ഇലക്ട്രിക് മോട്ടോർ സൈക്കിൾ കൂടിയാണിത് എന്നത് എടുത്തു പറയേണ്ട ഒരു കാര്യമാണ്. ഒഡീസി ഇവി ആപ്പ് ഉപയോഗിച്ച് ഇവ നിയന്ത്രിക്കാനാവും. ഇതിനായി ഇ-ബൈക്കിൽ ബ്ലൂടൂത്ത് കണക്റ്റിവിറ്റി ഫീച്ചറും സ്റ്റാർട്ടപ്പ് ബ്രാൻഡ് കോർത്തിണക്കിയിട്ടുണ്ട്. കൂടാതെ ഗൂഗിൾ മാപ്‌സ് നാവിഗേഷൻ, ഒടിഎ അപ്‌ഡേറ്റുകൾ എന്നിവയും സിസ്റ്റം സാധ്യമാക്കും. ബൈക്ക് ലൊക്കേറ്റർ, ജിയോ ഫെൻസ്, ഇമ്മൊബിലൈസേഷൻ, ആന്റി തെഫ്റ്റ്, ട്രാക്ക്, ട്രെയ്സ്, ലോ ബാറ്ററി അലേർട്ട്, മറ്റ് ഫീച്ചറുകൾ തുടങ്ങിയ കണക്ടിവിറ്റി ഫീച്ചറുകളോടെയാണ് ഒഡീസിയുടെ ആപ്പ് എത്തുന്നത്.

4.5kW മോട്ടോറാണ് കമ്പനി ഒഡിസി വേഡെർ ഇലക്ട്രിക്ക് ബൈക്കിൽ നൽകിയിട്ടുള്ളത്. മോട്ടോർ 170 Nm ടോർക്ക് വരെ ഉത്പാദിപ്പിക്കുന്നു. മണിക്കൂറിൽ 85 കിലോമീറ്റർ വേഗത കൈവരിക്കാൻ ഇലക്ട്രിക് ബൈക്കിന് സാധിക്കും. ഒഡിസി വേഡെറിന് ഇക്കോ, ഡ്രൈവ്, സ്പോർട്ട് എന്നീ മൂന്ന് മോഡലുകളാണുള്ളത്. ഇക്കോ മോഡിൽ വാഹനം 125 കിലോമീറ്റർ റേഞ്ചും ഡ്രൈവ് മോഡിൽ 105 കിലോമീറ്റർ റേഞ്ചും സ്‌പോർട്ട് മോഡിൽ 90 കിലോമീറ്റർ റേഞ്ചും നൽകുമെന്നാണ് കമ്പനി അവകാശപ്പെടുന്നത്. ബൈക്കിൽ റിവേഴ്സ് മോഡും നൽകിയിട്ടുണ്ട്.

ഒഡീസി വേഡർ ഇലക്ട്രിക് മോട്ടോർസൈക്കിളിന് ഏകദേശം 128 കിലോഗ്രാം ഭാരമുണ്ടെന്നാണ് പറയുന്നത്. 18 ലിറ്റർ സ്റ്റോറേജ് സ്പേസാണ് ബൈക്കിന്റെ മറ്റൊരു സവിശേഷത. അഞ്ച് നിറങ്ങളിലാണ് ഒഡിസി വേഡെർ വിൽപ്പനയ്ക്കെത്തുന്നത്. മിഡ്‌നൈറ്റ് ബ്ലൂ, ഫിയറി റെഡ്, ഗ്ലോസി ബ്ലാക്ക്, വെനം ഗ്രീൻ & മിസ്റ്റി ഗ്രേ എന്നീ നിറങ്ങളിലാണ് വാഹനം ലഭ്യമാകുക.

Read more

ദീപികയെ സ്വീകരിച്ചവര്‍ ഒപ്പം വേണ്ട! സന്ദീപ് റെഡ്ഡി ചിത്രത്തില്‍ നിന്നും അല്ലു അര്‍ജുനും പുറത്ത്? പുതിയ പ്രോജക്ട് നിര്‍ത്തി

എന്റെ മരണശേഷം എന്റെ അവയവങ്ങള്‍ ദാനം ചെയ്യും, സമ്മതപത്രത്തില്‍ ഒപ്പിട്ട് നല്‍കാം: ജയറാം

ആരാധകർക്ക് ഇനി ആവേശം കൂടും; കണ്ണപ്പയുടെ ഗ്രാൻഡ് ട്രെയിലർ ലോഞ്ച് ഇവന്റ് ജൂൺ 14ന് കൊച്ചിയിൽ!

പുഷ്പക വിമാനത്തില്‍ നിന്നും കൈ പുറത്തേക്കിടാം, അപ്പോള്‍ സീതയുടെ കൈയ്യില്‍ ചുറ്റിയ മിന്നലാണ് മിന്നല്‍ വള: കൈതപ്രം

ദക്ഷിണേന്ത്യ കണ്ട ഏറ്റവും മികച്ച നടിയുടെ മകളാണ്.. അഭിനയിക്കാനുള്ള ആഗ്രഹം ഉര്‍വശിയെ അറിയിക്കാനാണ് ഞാന്‍ പറഞ്ഞത്; വേദിയില്‍ കണ്ണുനിറഞ്ഞ് മനോജ് കെ ജയന്‍

1.30 ലക്ഷം രൂപയാണ് ഒഡിസി വേഡെർ ഇലക്ട്രിക്ക് ബൈക്കിന്റെ ഇന്ത്യയിലെ എക്‌സ്‌ഷോറൂം വിലയായി വരുന്നത്. എന്നാൽ ആമുഖ വിലയായി അഹമ്മദാബാദിൽ 1.10 ലക്ഷം രൂപ മുടക്കിയാൽ വാഹനം സ്വന്തമാക്കാനാവും. കേരളം അടക്കമുള്ള മറ്റ് സംസ്ഥാനങ്ങളിലെ ഷോറൂമുകളിൽ ഒഡിസി വേഡെറിനായി 1.30 ലക്ഷം രൂപ ചെലവഴിക്കേണ്ടി വരും.