ഇന്ത്യൻ വാഹന വിപണിയിലെ ഏറ്റവും മത്സരാധിഷ്ഠിതമായ കാർ വിഭാഗങ്ങളിലൊന്നാണ് സബ്-4 മീറ്റർ എസ്യുവി സെഗ്മെന്റ്. വരും വർഷങ്ങളിൽ കോംപാക്റ്റ് എസ്യുവികൾക്കുള്ള ആവശ്യം ഇനിയും വർദ്ധിക്കുമെന്നാണ് പ്രതീക്ഷിക്കുന്നത്. കിയ, ഹ്യുണ്ടായ്, മഹീന്ദ്ര, ടാറ്റ മോട്ടോഴ്സ് എന്നിവയിൽ നിന്ന് വരും വർഷങ്ങളിൽ ഒന്നിലധികം പുതിയ മോഡലുകൾ കോംപാക്റ്റ് എസ്യുവി വിഭാഗത്തിൽ പുറത്തിറങ്ങും എന്നാണ് പ്രതീക്ഷ. അടുത്ത രണ്ട് വർഷത്തിനുള്ളിൽ ഇന്ത്യയിൽ പുറത്തിറങ്ങുന്ന പുതിയ സബ് 4 മീറ്റർ എസ്യുവികൾ നോക്കാം.
ഹ്യുണ്ടായ് – ന്യൂ ജെൻ വെന്യു, ഇൻസ്റ്റർ ഇവി,ബയോൺ
ഹ്യുണ്ടായുടെ രണ്ടാം തലമുറ വെന്യു ഇന്ത്യയിൽ ഉടൻ പുറത്തിറക്കാൻ ഒരുങ്ങുകയാണ്. ഒക്ടോബർ 24ന് ഇത് അരങ്ങേറ്റം കുറിക്കുമെന്ന് പ്രതീക്ഷിക്കുന്നു. QU2i എന്ന കോഡ് നാമത്തിൽ അറിയപ്പെടുന്ന ഈ കോംപാക്റ്റ് എസ്യുവിയിൽ അകത്തും പുറത്തും സമഗ്രമായ മാറ്റങ്ങൾ ഉണ്ടാകും. ലെവൽ 2 ADAS, പനോരമിക് സൺറൂഫ്, 360-ഡിഗ്രി പാർക്കിംഗ് ക്യാമറ തുടങ്ങിയ നിരവധി പുതിയ സവിശേഷതകൾ ഇതിൽ ഉൾപ്പെടുത്തും. പരിചിതമായ 1.2 ലിറ്റർ പെട്രോൾ, 1.0 ലിറ്റർ tGDi പെട്രോൾ, 1.5 ലിറ്റർ CRDi ഡീസൽ എഞ്ചിനുകൾ പുതിയ വെന്യുവിൽ തുടർന്നും ഉപയോഗിക്കും.
2026 അവസാനത്തോടെ കൊറിയൻ കാർ നിർമ്മാതാവ് ഒരു പുതിയ കോംപാക്റ്റ് ഇലക്ട്രിക് എസ്യുവി പുറത്തിറക്കാൻ സാധ്യതയുണ്ട്. HE1i എന്ന കോഡ് നാമത്തിൽ അറിയപ്പെടുന്ന ടാറ്റ പഞ്ച് ഇവി, അന്താരാഷ്ട്ര വിപണികളിൽ വിൽക്കുന്ന ഇൻസ്റ്റർ ഇവിയെ അടിസ്ഥാനമാക്കിയുള്ളതായിരിക്കും. 42 kWh, 49 kWh എന്നിങ്ങനെ ഇതിന് രണ്ട് ബാറ്ററി പായ്ക്ക് ഓപ്ഷനുകൾ ലഭിക്കും. ഒറ്റ ചാർജിൽ പരമാവധി 355 കിലോമീറ്റർ വരെ വാഹനത്തിന് സഞ്ചരിക്കാൻ കഴിയും.
ബയോൺ ആഭ്യന്തര വിപണിയിലും വിൽപ്പനയ്ക്കെത്തുമെന്നാണ് പ്രതീക്ഷിക്കുന്നത്. അടുത്ത വർഷം ഇത് പുറത്തിറങ്ങുമെന്ന് പ്രതീക്ഷിക്കുന്നു. ബയോൺ എസ്യുവിയിൽ പുതിയ 1.2 ലിറ്റർ ടർബോ പെട്രോൾ എഞ്ചിൻ ഉണ്ടാകുമെന്നാണ് റിപ്പോർട്ട്. കൂടാതെ പരിചിതമായ 1.0 ലിറ്റർ ടിജിഡിഐ എഞ്ചിനും പാക്കേജിന്റെ ഭാഗമാകാൻ സാധ്യതയുണ്ട്. ട്രാൻസ്മിഷൻ ഓപ്ഷനുകളിൽ 6-സ്പീഡ് മാനുവലും 7-സ്പീഡ് ഡിസിടി ഓട്ടോമാറ്റിക്കും ഉൾപ്പെടും.
കിയ – സിറോസ്, നെക്സ്റ്റ് ജെൻ സോണറ്റ് :
ഈ വർഷം അവസാനമോ 2026ന്റെ തുടക്കത്തിലോ സിറോസ് ഇവി പുറത്തിറങ്ങുമെന്നാണ് പ്രതീക്ഷിക്കുന്നത്. ഓൾ -ഇലക്ട്രിക് സിറോസിൽ പുതുക്കിയ ബമ്പറുകൾ, പുതിയ എയറോ-എഫിഷ്യന്റ് അലോയ് വീലുകൾ, അകത്തും പുറത്തും ചില ഇവി-നിർദ്ദിഷ്ട ബ്രാൻഡിംഗ് എന്നിവ ഉണ്ടാകുമെന്ന് പ്രതീക്ഷിക്കുന്നു. ബാറ്ററി പായ്ക്ക് വിശദാംശങ്ങൾ വെളിപ്പെടുത്തിയിട്ടില്ലെങ്കിലും ഒറ്റ ചാർജിൽ ഏകദേശം 400 കിലോമീറ്റർ സഞ്ചരിക്കാൻ കഴിയുമെന്ന് അവകാശപ്പെടുന്ന മൈലേജുമായി ഇവി എത്താൻ സാധ്യതയുണ്ട്.
പുതിയ തലമുറ സോണറ്റും വികസിപ്പിച്ചുകൊണ്ടിരിക്കുകയാണ്. 2027 ൽ ഇന്ത്യയിൽ പുറത്തിറങ്ങുമെന്ന് പ്രതീക്ഷിക്കുന്നു. പുതിയ മോഡലിന്റെ വിശദാംശങ്ങൾ നിലവിൽ വിരളമാണെങ്കിലും, പുതിയ ഫീച്ചർ കൂട്ടിച്ചേർക്കലുകൾക്കൊപ്പം പുതിയ എക്സ്റ്റീരിയർ ഡിസൈനും പുതുക്കിയ ഇന്റീരിയറുകളും ഇതിൽ ഉൾപ്പെടാൻ സാധ്യതയുണ്ട്. സോണെറ്റ് ഇവിയിൽ കിയ പ്രവർത്തിക്കുന്നുണ്ടെന്നാണ് റിപ്പോർട്ട്. എന്നാൽ മറ്റ് വിശദംശങ്ങൾ ഒന്നുമില്ല.
ടാറ്റ മോട്ടോഴ്സ് – നെക്സ്റ്റ് ജെൻ നെക്സോൺ :
‘ഗരുഡ്’ എന്ന രഹസ്യനാമത്തിൽ അറിയപ്പെടുന്ന നെക്സോൺ എസ്യുവിയുടെ പുതുതലമുറ മോഡലിൽ പ്രവർത്തിക്കുകയാണ് ടാറ്റ. റിപ്പോർട്ടുകൾ പ്രകാരം, വരാനിരിക്കുന്ന കോംപാക്റ്റ് എസ്യുവിയിൽ ഘടനാപരമായ മാറ്റങ്ങളുണ്ടെങ്കിലും പരിചിതമായ X1 പ്ലാറ്റ്ഫോം തന്നെയായിരിക്കും ഉപയോഗിക്കുക. എസ്യുവിക്ക് ഏറ്റവും പുതിയ പതിപ്പിന് അനുസൃതമായി പൂർണ്ണമായും പുതിയ ഡിസൈൻ ലഭിക്കാൻ സാധ്യതയുണ്ട്.
അതുപോലെ ഇന്റീരിയറുകളിലും പുതിയ ഫീച്ചറുകൾക്കൊപ്പം വലിയ നവീകരണവും നടക്കും. പവർട്രെയിനിനെക്കുറിച്ച് പറയുകയാണെങ്കിൽ നിലവിലുള്ള പെട്രോൾ, സിഎൻജി, ഡീസൽ എഞ്ചിൻ ഓപ്ഷനുകൾ അടുത്ത തലമുറ നെക്സോണിലും പാക്കേജിന്റെ ഭാഗമായി തുടരും.
മഹീന്ദ്ര – വിഷൻ എസ്, വിഷൻ എക്സ്
Read more
മഹീന്ദ്ര ആൻഡ് മഹീന്ദ്ര അടുത്തിടെ NU_IQ പ്ലാറ്റ്ഫോമിനെ അടിസ്ഥാനമാക്കിയുള്ള വിഷൻ എസ്, വിഷൻ എക്സ് എന്നീ കൺസെപ്റ്റുകൾ പ്രദർശിപ്പിച്ചിരുന്നു. രണ്ട് കൺസെപ്റ്റുകളും 4 മീറ്ററിൽ താഴെ നീളമുള്ളതായിരിക്കും. ഇതിലൂടെ കോംപാക്റ്റ് എസ്യുവി വിഭാഗത്തിൽ സ്ഥാനം പിടിക്കും. വിഷൻ എസ് സ്കോർപിയോ നെയിംപ്ലേറ്റിന്റെ ഭാഗമാകും. 2027 ൽ ഇത് വിൽപ്പനയ്ക്കെത്തുമെന്ന് പ്രതീക്ഷിക്കുന്നു. പെട്രോൾ, ഡീസൽ എഞ്ചിനുകളാണ് എസ്യുവിക്ക് കരുത്ത് പകരുന്നത്. ഫ്രണ്ട്-വീൽ-ഡ്രൈവ് കോൺഫിഗറേഷനുകൾ സ്റ്റാൻഡേർഡായി ലഭിക്കും. ഓൾ-വീൽ ഡ്രൈവ് ( AWD) ഒരു ഓപ്ഷനായി ഇതിന് ലഭിച്ചേക്കാം.
