2022 ലെ ഇന്ത്യന്‍ കാര്‍ ഓഫ് ദി ഇയര്‍ 2022 കിരീടം സ്വന്തമാക്കി മഹിന്ദ്ര XUV700

പ്രമുഖരെ പിന്തള്ളി ഇന്ത്യന്‍ കാര്‍ ഓഫ് ദ ഇയര്‍ 2022 അവാര്‍ഡ് കരസ്ഥമാക്കി മഹീന്ദ്ര XUV700. എംജി ആസ്റ്റര്‍, സ്‌കോഡ ഒക്ടാവിയ, ഫോഴ്സ് ഗൂര്‍ഖ, മാരുതി സുസുക്കി സെലേറിയോ, സിട്രണ്‍ C5 എയര്‍ക്രോസ്, സ്‌കോഡ കുഷാഖ്, റെനോ കൈഗര്‍, ഫോക്സ്വാഗണ്‍ ടൈഗൂണ്‍, ടാറ്റ പഞ്ച് എന്നിവയ്ക്കെതിരെയാണ് XUV700 മത്സരിച്ച് വിജയിച്ചത്.

101 പോയിന്റുകള്‍ നേടിയാണ് XUV700 ഒന്നാമതെത്തിയത്. 89 പോയിന്റുമായി ഫോക്സ്വാഗണ്‍ ടൈഗൂണ്‍ രണ്ടാം സ്ഥാനം നേടി. 71 പോയിന്റുള്ള ടാറ്റ പഞ്ചാണ് മൂന്നാം സ്ഥാനത്ത്.ഈ ബഹുമതി നല്‍കിയതിന് ജൂറിക്ക് നന്ദി അറിയിക്കുന്നതായി മഹീന്ദ്ര & മഹീന്ദ്ര ലിമിറ്റഡിന്റെ ഓട്ടോമൊബൈല്‍ ഡിവിഷന്‍ ചീഫ് എക്സിക്യൂട്ടീവ് ഓഫീസര്‍ വീജയ് നക്ര പറഞ്ഞു.നമ്മുടെ ബഹുമാനപ്പെട്ട പ്രധാനമന്ത്രിയുടെ ആത്മനിര്‍ഭര്‍ ഭാരത് വിഷന് അനുസൃതമായി, ഈ ലോകോത്തര ഉല്‍പ്പന്നം സൃഷ്ടിക്കുന്നതില്‍ രൂപകല്പന, പ്രൊഡക്ട് ഡെവലപ്‌മെന്റ്, എഞ്ചിനീയറിംഗ്, നിര്‍മ്മാണം, ഗുണനിലവാരം എന്നിവയുടെ ആഗോള മാനദണ്ഡങ്ങള്‍ക്കുള്ള ശക്തമായ അംഗീകാരമാണിതെന്ന് അദ്ദേഹം വ്യക്തമാക്കി.

എഞ്ചിനും ഗിയര്‍ബോക്‌സും

രണ്ട് എഞ്ചിന്‍ ഓപ്ഷനുകളോടെയാണ് മഹീന്ദ്ര XUV700 വാഗ്ദാനം ചെയ്യുന്നത്. 2.0 ലിറ്റര്‍ ടര്‍ബോചാര്‍ജ്ഡ് എംസ്റ്റാലിയന്‍ പെട്രോള്‍ എഞ്ചിനും 2.2 ലിറ്റര്‍ എംഹോക്ക് ഡീസല്‍ എഞ്ചിനുമാണ്.പെട്രോള്‍ എഞ്ചിന്‍ പരമാവധി 200 ബിഎച്ച് പി പവറും 380 എന്‍ എം പീക്ക് ടോര്‍ക്കും ഉത്പാദിപ്പിക്കും. ഇത് ആറ് സ്പീഡ് മാനുവല്‍ ഗിയര്‍ബോക്സ് അല്ലെങ്കില്‍ ആറ് സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ട്രാന്‍സ്മിഷനുമായി ഘടിപ്പിച്ചിരിക്കുന്നു. ട്യൂണിന്റെ രണ്ട് സ്റ്റേറ്റുകളിലാണ് ഡീസല്‍ എഞ്ചിന്‍ വാഗ്ദാനം ചെയ്യുന്നത്.

XUV700 -ന്റെ എക്‌സ്-ഷോറൂം വില ആരംഭിക്കുന്നത് 12.95 ലക്ഷം രൂപ മുതലാണ്, ഇത് 23.79 ലക്ഷം രൂപ വരെ ഉയരുന്നു. MX, AX എന്നിങ്ങനെ രണ്ട് വകഭേദങ്ങളിലാണ് മഹീന്ദ്ര XUV700 വാഗ്ദാനം ചെയ്യുന്നത്.MX വേരിയന്റ് ഫൈവ് സീറ്റര്‍ എസ്യുവിയായി മാത്രമേ വാഗ്ദാനം ചെയ്യുന്നുള്ളൂ, അതേസമയം AX ട്രിം ഫൈവ് സീറ്റര്‍ അല്ലെങ്കില്‍ സെവന്‍ സീറ്റര്‍ പതിപ്പായി വാഗ്ദാനം ചെയ്യുന്നു. AX ട്രിം AX3, AX5, AX7, AX7L എന്നിങ്ങനെ നാല് വേരിയന്റുകളായി തിരിച്ചിരിക്കുന്നു.