മാസ്റ്റര്പീസിന്റെ ബോക്സ് ഓഫീസ് കളക്ഷന് പുറത്തു വിട്ട് മമ്മൂട്ടി. സിനിമ റിലീസ് ചെയ്ത് മൂന്നു ദിവസത്തിനുള്ളില് പത്തു കോടി ക്ലബില് കയറിയെന്ന് മമ്മൂട്ടി തന്റെ ഫേസ്ബുക്ക് പേജിലൂടെയാണ് അറിയിച്ചത്. വ്യാഴം, വെള്ളി, ശനി ദിവസങ്ങളിലെ കളക്ഷനാണ് ഇപ്പോള് പുറത്തുവിട്ടിരിക്കുന്നത്. നേരത്തെ മാസ്റ്റര്പീസിന് ആറു കോടി രൂപയ്ക്ക് മേല് ആദ്യ ദിന കളക്ഷന് കിട്ടിയെന്ന വാര്ത്തയെ തള്ളി നിര്മ്മാതാക്കളായ റോയല് സിനിമാസ് രംഗത്ത് എത്തിയിരുന്നു.
റിലീസ് ദിനത്തില് മാസ്റ്റര്പീസ് കേരളത്തില് 1287 ഷോകളാണ് നടത്തിയത്. വ്യാജമായ കണക്കുള് നിരത്തിയാണ് ഫെയ്സ്ബുക്ക് പേജുകള് തങ്ങളുടെ കളക്ഷന് റിപ്പോര്ട്ട് പെരുപ്പിച്ച് കാണിക്കുന്നതെന്നും തങ്ങള് ഔദ്യോഗികമായി തന്നെ കണക്കുകള് പുറത്തുവിടുമെന്നും വ്യാജപ്രചരണങ്ങളില് വീഴരുതെന്നും നിര്മ്മാതാക്കള് നേരത്തെ വ്യക്തമാക്കിയിരുന്നു.
https://www.facebook.com/Mammootty/photos/a.10152286205072774.1073741827.257135417773/10156005594942774/?type=3&theater
Read more
മമ്മൂട്ടിയെ നായകനാക്കി അജയ് വാസുദേവ് സംവിധാനം ചെയ്ത മാസ്റ്റര്പീസ് വ്യാഴാഴ്ചയാണ് തിയേറ്ററുകളില് റിലീസ് ചെയ്തത്. പുലിമുരുകന് ശേഷം ഉദയ്കൃഷ്ണ തിരക്കഥ എഴുതുന്ന ചിത്രത്തെ മാസ് പരിവേഷത്തിലാണ് അണിയറക്കാര് അവതരിപ്പിച്ചിരുന്നത്.