കല്ല്യാണം കഴിഞ്ഞവര്‍ സന്തോഷിച്ചോളൂ. ഇതാ നല്ല വാര്‍ത്ത. പുതിയ പഠനം അനുസരിച്ച് കല്ല്യാണം കഴിഞ്ഞവരാണ് ഏറ്റവും കുടുതല്‍ സംതൃപ്തര്‍. സിംഗിള്‍ ആയി കഴിയുന്നവര്‍ക്ക് അത്ര സംതൃപ്തിയൊന്നും ഇല്ലത്രേ.
ജീവിതച്ചെലവുകള്‍ പങ്കിടുന്നതു മുതല്‍ വികാരങ്ങള്‍ പങ്കുവെക്കുന്നതുവരെ ഒട്ടേറെ കാരണങ്ങളാണ് പഠനത്തില്‍ നിരത്തുന്നത്. മൊത്തം ജീവിതത്തിലുള്ള സംതൃപ്തിയും ക്ഷേമവും വിവാഹിതര്‍ക്കായിരിക്കും കൂടുതലുണ്ടാകുക എന്ന് പഠനം പറയുന്നു.
ജേണല്‍ ഓഫ് ഹാപ്പിനസില്‍ പ്രസിദ്ധീകരിച്ചിരിക്കുന്ന പുതിയ പഠനമാണ് ഇത് പറയുന്നത്. 30,000 പേരിലാണ് സര്‍വേ നടത്തിയത്. കല്ല്യാണം കഴിഞ്ഞവരിലും അല്ലാത്തവരിലുമുള്ള ജീവിത സംതൃപ്തി നിരക്കാണ് പ്രധാനമായും സര്‍വേയിലൂടെ വിലയിരുത്തിയത്. കല്ല്യാണം കഴിഞ്ഞവര്‍, കഴിക്കാത്തവര്‍, ഒരിക്കലും കല്ല്യാണം കഴിക്കാത്തവര്‍ എന്നിവരെ സര്‍വേയില്‍ ഉള്‍പ്പെടുത്തി.
Read more
കല്ല്യാണത്തിന് അവിശ്വസനീയമായ രീതിയില്‍ സംതൃപ്തി തരാന്‍ സാധിക്കുമെന്നാണ് പഠനം പറയുന്നത്. പ്രത്യേകിച്ചും മിഡില്‍ എയ്ജ് പിന്നിടുന്നവരില്‍. ജീവിതത്തെ വേറിട്ട വീക്ഷണകോണിലൂടെ നോക്കിക്കാണാന്‍ കല്ല്യാണം സഹായിക്കുമത്രെ. ബെസ്റ്റ് ഫ്രണ്ടിനെ തന്നെയാണ് കല്ല്യാണം കഴിക്കുന്നതെങ്കില്‍ സംതൃപ്തി പതിന്മടങ്ങാകുമെന്നാണ് പറയുന്നത്.
