ഐ.പി.എല് 13ാം സീസണിനായി ടീമിനൊപ്പം യു.എ.ഇയില് എത്തിയ ശേഷം വ്യക്തിപരമായ കാര്യങ്ങള് ചൂണ്ടിക്കാട്ടി നാട്ടിലേക്ക് മടങ്ങിയ സുരേഷ് റെയ്ന ഈ സീസണില് തന്നെ സി.എസ്.കെയില് മടങ്ങിയെത്തുമെന്ന അഭിപ്രായവുമായി മുന് വിക്കറ്റ് കീപ്പറും കമന്റേറ്ററുമായ ദീപ് ദാസ്ഗുപ്ത. ആദ്യത്തെ കുറച്ചു മല്സരങ്ങള് നഷ്ടമായേക്കുംമെങ്കിലും റെയ്ന ടീമില് തിരിച്ചെത്തുമെന്നു തന്നെയാണ് തന്റെ വിശ്വാസമെന്ന് അദ്ദേഹം പറഞ്ഞു.
“റെയ്ന ഈ സീസണില് തന്നെ സി.എസ്.കെയില് തിരികെയെത്തുമെന്നാണ് ഞാന് ഉറച്ചു വിശ്വസിക്കുന്നത്. ക്വാറന്റൈന് നിയമങ്ങളും മറ്റും കാരണം ഐ.പി.എല്ലിലെ ആദ്യത്തെ കുറച്ചു മല്സരങ്ങള് അദ്ദേഹത്തിനു നഷ്ടമായേക്കും. പക്ഷെ സി.എസ്.കെ ക്യാമ്പില് റെയ്ന മടങ്ങിയെത്തും.”
“റെയ്നയ്ക്കു ശഷം പിന്മാറിയ വെറ്ററന് സ്പിന്നര് ഹര്ഭജന് സിംഗിന്റെ പകരക്കാരനെ ടീം തേടുന്നുണ്ട്. പക്ഷെ റെയ്നയുടെ കാര്യത്തില് സിഎസ്കെ മൗനം പാലിക്കുകയാണ്. അത് വെളിവാക്കുന്നത് അദ്ദേഹം തിരിച്ചെത്തുമെന്ന തന്നെയാണ്.” ദീപ് ദാസ്ഗുപ്ത അഭിപ്രായപ്പെട്ടു.
Read more
ഐ.പി.എല്ലില് മടങ്ങിയെത്തുമെന്ന സൂചനകള് റെയ്നനയും നേരത്തെ പങ്കുവെച്ചിരുന്നു. ഇന്ത്യയില് തിരിച്ചെത്തി ക്വാറന്റൈനില് കഴിയുമ്പോള് പോലും താന് പരിശീലനം മുടക്കിയിട്ടില്ലെന്നും വീണ്ടും ചെന്നൈ സൂപ്പര് കിംഗ്സ് ക്യാമ്പില് തന്നെ വീണ്ടും കണ്ടേക്കാനുള്ള സാധ്യത തള്ളിക്കളയാനാകില്ലെന്നുമാണ് റെയ്ന പറഞ്ഞത്.