ഇന്ത്യന് ഓള്റൗണ്ടര് രവീന്ദ്ര ജഡേജ ഇംഗ്ലണ്ട് ഓള്റൗണ്ടര് ബെന് സ്റ്റോക്സിനൊപ്പം തന്നെ നില്ക്കുന്ന താരമാണെന്ന് മുന് ഇന്ത്യന് താരം ദീപ്ദാസ് ഗുപ്ത. കഴിഞ്ഞ ഏതാനും വര്ഷമായി മറ്റ് പല ബാറ്റ്സ്മാന്മാരേക്കാളും നന്നായി ജഡേജ ബാറ്റ് ചെയ്യുന്നുണ്ടെന്നും നാലാം സ്ഥാനത്ത് അദ്ദേഹത്തെ ഇറക്കണമെന്നും ഗുപ്ത പറയുന്നു.
“ബാറ്റ് ചെയ്യാന് സാധിക്കുന്ന ബോളര് എന്ന നിലയിലാണ് രവീന്ദ്ര ജഡേജയെ പലരും കാണുന്നത്. എന്നാല് കഴിഞ്ഞ ഏതാനും വര്ഷമായി മറ്റ് പല ബാറ്റ്സ്മാന്മാരേക്കാളും നന്നായി ജഡേജ ബാറ്റ് ചെയ്യുന്നു. എല്ലാ ഫോര്മാറ്റിലും റണ്സ് കണ്ടെത്തുന്നു. ഈ അടുത്ത് ടെസ്റ്റ് റാങ്കിങ്ങില് മുന് നിരയിലേക്കും ജഡേജ എത്തി.”
“ബെന് സ്റ്റോക്ക്സിനൊപ്പം ചേര്ത്ത് വെയ്ക്കേണ്ട പേരാണ് രവീന്ദ്ര ജഡേജയുടേത്. എന്തുകൊണ്ട് നാലാം സ്ഥാനത്ത് ജഡേജയെ ബാറ്റ് ചെയ്യിച്ചുകൂടാ എന്ന് ഐ.പി.എല്ലിന്റെ സമയത്തും ഞാന് പറഞ്ഞിരുന്നു. സൗരാഷ്ട്രയ്ക്ക് വേണ്ടി നാലാം സ്ഥാനത്താണ് ജഡേജ ബാറ്റ് ചെയ്യുന്നത്. എന്നാല് ഇന്ത്യയിലേക്ക് വരുമ്പോള് ഏഴ്, എട്ട് ആവും സ്ഥാനവും.”
Read more
“ബാറ്റ്സ്മാനെ പോലെയാണ് ജഡേജ ചിന്തിക്കുന്നതും ബാറ്റ് ചെയ്യുന്നതും. അതാണ് ജഡേജയുടെ ബാറ്റിംഗില് കഴിഞ്ഞ ഏതാനും വര്ഷമായി സംഭവിച്ച പുരോഗതിയ്ക്ക് പിന്നില്. ബാറ്റിംഗില് എപ്പോഴും ജഡേജ കഴിവ് കാണിച്ചിരുന്നു. എന്നാല് ആദ്യം കൂറ്റന് ഷോട്ട് കളിച്ച് വിക്കറ്റ് കളഞ്ഞു കൊണ്ടിരുന്നു. എന്നാല് ഇപ്പോള് തന്റെ വിക്കറ്റിന് ജഡേജ വില കൊടുക്കുന്നുണ്ട്” ദീപ്ദാസ് ഗുപ്ത പറഞ്ഞു.