മുൻ ഇന്ത്യൻ താരവും ഐപിഎലിൽ ചെന്നൈ സൂപ്പർ കിങ്‌സ് താരവുമായ രവിചന്ദ്രൻ അശ്വിനെതിരെ പന്ത് ചുരണ്ടൽ ആരോപണം. തമിഴ്നാട്‌ പ്രീമിയർ ലീഗ് ക്രിക്കറ്റ് ടൂർണമെന്റിനിടെയാണ് താരം പന്തിൽ കൃത്രിമം കാണിച്ചു എന്ന് എതിർ ടീമായ മധുര പാന്തേഴ്സ് അവകാശപ്പെടുന്നത്.
മധുരയും ഡിണ്ടിഗലും തമ്മിലുള്ള മത്സരത്തിനിടെ അശ്വിന്‍ സംശയകരമായ രീതിയില്‍ തൂവാല ഉപയോഗിച്ചെന്നും ഇതില്‍ അന്വേഷണം വേണമെന്നും ആവശ്യപ്പെട്ട് മധുര ടീം സി ഇ ഒ ഡി പൂജ ടി എൻ പി എല്ലിന് കത്ത് നൽകി.
Read more
“പന്തിന്‍റെ ഭാരം കൂട്ടാനായി അശ്വിന്‍ രാസപദാർത്ഥം തേച്ച തൂവാല ഉപയോഗിച്ചെന്നാണ് മധുര ടീം അധികൃതരുടെ ആരോപണം. ഇതേതുടർന്ന് ബാറ്റര്‍മാര്‍ പന്തടിക്കുമ്പോള്‍ ലോഹത്തില്‍ തട്ടുന്നതുപോലെ ശബ്ദം കേട്ടിരുന്നു. രാസപദാര്‍ത്ഥങ്ങള്‍ ഉപയോഗിച്ച് പന്ത് തുടച്ചതിനാലാണ് ഇത്തരത്തിൽ സംഭവിച്ചത്”.
