മുന് ഇന്ത്യന് നായന് മഹേന്ദ്ര സിംഗ് ധോണിയുടെ ഹേറ്റേഴ്സിനെതിരെ രൂക്ഷവിമര്ശനവുമായി ഇന്ത്യന് പരിശീലകന് രവിശാത്രി. ധോണി വിരമിക്കണമെന്ന് ആവശ്യപ്പെട്ട രംഗത്തെത്തിയ മുന് താരങ്ങളേയും ആരാധകരേയും കണക്കിന് പരിഹസിച്ചാണ് ശാസ്ത്രി ആഞ്ഞടിച്ചത്.
“15 വര്ഷം ഇന്ത്യയ്ക്ക് വേണ്ടി കളിച്ച ആളാണ് എം എസ് ധോണി. ധോണിക്ക് അറിയാം, എപ്പോഴാണ് വിരമിക്കാനുള്ള സമയമെന്ന്. എപ്പോള് വിരമിക്കണം, എപ്പോള് കളിക്കണം എന്നൊക്കെ ധോണിയെ ഉപദേശിക്കുന്നവര് അവരവരുടെ ഷൂസിന്റെ ലേസ് കെട്ടാന് പോലും അറിയാത്തവരാണ്” രവി ശാസ്ത്രി പറയുന്നു.
വിരമിക്കല് പോലെയുള്ള കാര്യങ്ങളില് കൃത്യമായ ധാരണയുള്ള ആളാണ് ധോണി. ടെസ്റ്റില് നിന്നും ധോണി വിരമിച്ചത് അങ്ങനെയാണ്. വിരമിക്കണം എന്ന് തോന്നുമ്പോള് ധോണി വിരമിക്കട്ടെ. മറ്റുള്ളവര് എന്തിനാണ് ഈ കാര്യത്തില് ഇടപെട്ട് അനാവശ്യ തിരക്ക് കൂട്ടുന്നത്? – ശാസ്ത്രി ചോദിക്കുന്നു.
Read more
“റിഷഭ് പന്തിനെക്കുറിച്ചുള്ള ചോദ്യത്തിനും രസകരമായിരുന്നു ശാസ്ത്രിയുടെ മറുപടി. പന്തിനെ ഫോമിലേക്ക് തിരിച്ചുകൊണ്ടുവരിക എന്നത് തന്റെ ദൗത്യമാണ്. പന്ത് കളിക്കുമ്പോള് കയ്യടിക്കുന്നത് പോലെ തന്നെ കളിക്കാതിരിക്കുമ്പോള് വഴക്ക് പറയാനും തനിക്ക് അവകാശമുണ്ട്” രവിശാസ്ത്രി പറഞ്ഞു.