ഓസീസിനെതിരായ പരമ്പര നേട്ടത്തിന്റെ സന്തോഷത്തില് ഇരിക്കുന്ന ഇന്ത്യന് ടീമിന് മുന്നറിയിപ്പുമായി മുന് ഇംഗ്ലണ്ട് താരം കെവിന് പീറ്റേഴ്സണ്. മതിമറന്ന് ആഘോഷിക്കുന്നതില് കരുതല് വേണമെന്നും, ഏതാനും ദിവസത്തിനുള്ളില് ഇംഗ്ലണ്ട് ഇന്ത്യയ്ക്ക് വരുന്നുണ്ടെന്നും പീറ്റേഴ്സണ് പറഞ്ഞു.
“എല്ലാ പ്രതിസന്ധികളേയും അതിജീവിച്ച് നേടിയ ഈ ജയം ആഘോഷിക്കുക. എന്നാല് ഇംഗ്ലണ്ട് എന്ന കരുത്തരായ സംഘം ഏതാനും ആഴ്ചകള്ക്കുള്ളില് നിങ്ങളുടെ വീട്ടിലേക്ക് വരുന്നുണ്ട്. അവരെ തോല്പ്പിക്കാന് സാധിക്കണം. ജാഗ്രതയോടെ ഇരിക്കൂ. മതിമറന്ന് ആഘോഷിക്കുന്നതില് കരുതല് വേണം” ട്വിറ്ററില് കെവിന് പീറ്റേഴ്സണ് ട്വിറ്ററില് കുറിച്ചു.
നാലു ടെസ്റ്റ് മത്സരവും മൂന്നു ഏകദിനവും അഞ്ച് ടി20 മത്സരവും ഉള്പ്പെടുന്ന സുദീര്ഘമായ പരമ്പരയ്ക്കാണ് ഇന്ത്യയും ഇംഗ്ലണ്ടും തയ്യാറെടുക്കുന്നത്. ഫെബ്രുവരി അഞ്ചിന് ടെസ്റ്റ് മത്സരത്തോടെയാണ് പരമ്പര ആരംഭിക്കുക. ആദ്യ രണ്ട് ടെസ്റ്റിന് ചെന്നൈയാണ് വേദിയാകുന്നത്. ബാക്കി രണ്ട് മത്സരത്തിന് അഹമ്മദാബാദ് വേദിയാകും.
Read more
ആദ്യ രണ്ട് ടെസ്റ്റ് മത്സരത്തിനുള്ള ഇന്ത്യന് ടീം: വിരാട് കോഹ്ലി (ക്യാപ്റ്റന്), രോഹിത് ശര്മ, ശുഭ്മാന് ഗില്, മായങ്ക് അഗര്വാള്, അജിങ്ക്യ രഹാനെ, ചേതേശ്വര് പുജാര, റിഷഭ് പന്ത്, വൃധിമാന് സാഹ, ഹാര്ദിക് പാണ്ഡ്യ, കെഎല് രാഹുല്, ജസ്പ്രീത് ബുംറ, ഇഷാന്ത് ശര്മ, മുഹമ്മദ് സിറാജ്, ശര്ദ്ദുല് താക്കൂര്, ആര് അശ്വിന്, കുല്ദീപ് യാദവ്, വാഷിങ്ടണ് സുന്ദര്, അക്ഷര് പട്ടേല്.