വിജയ് ഹസാര ട്രോഫിയ്ക്കുളള കേരള ടീമിനെ പ്രഖ്യാപിച്ചു. 15 അംഗ ടീമിനേയാണ് പ്രഖ്യാപിച്ചിരിക്കുന്നത്. മുന്‍ ഇന്ത്യന്‍ താരവും കേരളത്തിന്റെ അതിഥി താരവുമായ റോബിന്‍ ഉത്തപ്പയാണ് ടീമിനെ നയിക്കുക. മലയാളി യുവതാരം സഞ്ജു സാംസണാണ് ഉപനായകന്‍.
ഉത്തപ്പയ്ക്ക് പുറമെ ഇന്ത്യ എ ടീമിനായി തകര്‍പ്പന്‍ പ്രകടനം കാഴ്ച്ചവെക്കുന്ന ജലജ് സക്‌സേനയും അതിഥി താരമായി ടീമിലുണ്ട്. സച്ചിന്‍ ബേബി, ബേസില്‍ തമ്പി, വിഷ്ണു വിനോദ്, ആസിഫ് കെഎം, സന്ദീപ് വാര്യര്‍ തുടങ്ങിയ പ്രമുഖ താരങ്ങളടങ്ങിയതാണ് കേരള ടീം.
ഈ മാസം ഇരുപത്തിനാലാം തിയതി ഛത്തീസ്ഗഡിനെതിരെയാണ് ടൂര്‍ണമെന്റില്‍ കേരളത്തിന്റെ ആദ്യ മത്സരം. തുടര്‍ന്ന് സൗരാഷ്ട്ര, ആന്ധ്ര, മുംബൈ, ജാര്‍ഖണ്ഡ്, ഗോവ, ഹൈദരാബാദ്, കര്‍ണാടക എന്നിവര്‍ക്കെതിരെയും കേരളം കളിക്കും.
കേരള ടീം
