പരിക്കിനെ തുടര്‍ന്ന് ഏരെ നാളായി ക്രിക്കറ്റില്‍ നിന്നും വിട്ടുനില്‍ക്കുന്ന ഇംഗ്ലീഷ് ഹിറ്റ് പേസര്‍ ജോഫ്ര ആര്‍ച്ചറും ഐപിഎല്‍ ലേല ലിസ്റ്റില്‍. എന്നാല്‍ ലിസ്റ്റില്‍ പേരുണ്ടെങ്കിലും 2022 സീസണില്‍ ആര്‍ച്ചര്‍ കളിക്കില്ല. 2023 സീസണില്‍ താരം കളിക്കുമെന്നാണ് വിവരം.
പക്ഷേ പ്രധാന പ്രശ്‌നം അതൊന്നുമല്ല. ലേലത്തില്‍ ആര്‍ച്ചറെ ടീമില്‍ ഉള്‍പ്പെടുത്തുന്ന ഫ്രാഞ്ചൈസിക്ക് ഇക്കൊല്ലം പകരക്കാരെ അനുവദിക്കില്ലെന്ന് ഐപിഎല്‍ അധികൃതര്‍ അറിയിച്ചതായും റിപ്പോട്ടുകളുണ്ട്.
രാജസ്ഥാന്‍ റോയല്‍സിന്റെ താരമായിരുന്ന ആര്‍ച്ചറെ മെഗാ ലേലത്തിനു മുന്‍പ് ഫ്രാഞ്ചൈസി നിലനിര്‍ത്തിയിരുന്നില്ല. ഇതിനു പിന്നാലെയാണ് താരം ലേലത്തില്‍ പേര് രജിസ്റ്റര്‍ ചെയ്തത്.
പരിക്കിനെ തുടര്‍ന്ന് ആര്‍ച്ചര്‍ക്ക് ടി20 ലോക കപ്പും ആഷസും ഉള്‍പ്പെടെ നിര്‍ണായക ടൂര്‍ണമെന്റുകളൊക്കെ നഷ്ടമായിരുന്നു. ഈ സീസണില്‍ കളിക്കില്ലെന്ന് അറിയിച്ചതിനാല്‍ പരുക്കില്‍ നിന്ന് ഇക്കൊല്ലം മുക്തനാവില്ലെന്ന സൂചന തന്നെയാണ് ആര്‍ച്ചര്‍ നല്‍കുന്നത്.