ന്യൂഡല്ഹി: രഞ്ജി ട്രോഫിയില് സൗരാഷ്ട്രയെ ആദ്യമായി കിരീടം ചൂടിപ്പിച്ച നായകന് ജയ്ദേവ് ഉനദ്കട് കഴിഞ്ഞ ദിവസം നിര്ണായകമായൊരു പ്രഖ്യാപനം നടത്തി. താന് വിവാഹിതനാകാന് പോകുകയാണെന്ന് സൂപ്പര് താരം സോഷ്യല് മീഡിയയിലൂടെ അറിയിച്ചു.
പ്രതിശ്രുത വധു റിന്നിയുമൊത്തുള്ള വിവാഹ നിശ്ചയ ചിത്രങ്ങള് താരം പങ്കുവെച്ചിട്ടുണ്ട്. ഞായറാഴ്ചയായിരുന്നു താരത്തിന്റെ വിവാഹ നിശ്ചയം.
6 hours, 2 meals & 1 shared mud cake later.. 💍❤️ pic.twitter.com/SEvHFDQwru
— Jaydev Unadkat (@JUnadkat) March 15, 2020
സൗരാഷ്ട്രയിലെ സഹതാരവും ഇന്ത്യന് ടെസ്റ്റ് ടീം അംഗവുമായ ചേതേശ്വര് പൂജാര വിവാഹ നിശ്ചയത്തില് പങ്കെടുത്തിരുന്നു. ആശംസ നേര്ന്ന് പൂജാര ചിത്രങ്ങള് സോഷ്യല് മീഡിയയില് പങ്കുവെച്ചിട്ടുണ്ട്.
Welcome to the family Rinny. I am so glad that my brother @JUnadkat has found the love of his life. 🤗
P:S – You have to deal with a lot of bromance pic.twitter.com/X9aZxFfm0o
— cheteshwar pujara (@cheteshwar1) March 15, 2020
ഇക്കഴിഞ്ഞ വെള്ളിയാഴ്ചയാണ് ബംഗാളിനെതിരായ ഒന്നാം ഇന്നിംഗ്സ് ലീഡിന്റെ ബലത്തില് ഉനദ്കട്ടിന്റെ നേതൃത്വത്തിലുള്ള സൗരാഷ്ട്ര രഞ്ജി ട്രോഫി കിരീടത്തില് ആദ്യമായി മുത്തമിട്ടത്.
Read more
രഞ്ജി ട്രോഫിയിലെ 21 വര്ഷം പഴക്കമുള്ള ഒരു റെക്കോഡും താരം സ്വന്തമാക്കിയിരുന്നു. ഒരു രഞ്ജി ട്രോഫി സീസണില് ഏറ്റവും കൂടുതല് വിക്കറ്റുകള് വീഴ്ത്തുന്ന ഫാസ്റ്റ് ബൗളര് എന്ന നേട്ടമാണ് ഉനദ്കട്ട് സ്വന്തമാക്കിയത്. 67 വിക്കറ്റുകളാണ് താരം ഈ സീസണില് സ്വന്തമാക്കിയത്.