നിര്‍ണായക മത്സരത്തില്‍ മുംബൈയോട് പരാജയപ്പെട്ടതിന് പിന്നില്‍ തങ്ങള്‍ തന്നെയാണെന്ന് രാജസ്ഥാന്‍ റോയല്‍സ് പരിശീലകന്‍ കുമാര്‍ സംഗക്കാര. പിച്ചിന്റേയോ ടോസിന്റേയോ പ്രശ്നമല്ല തോല്‍വിയ്ക്ക് കാരണമായതെന്നും പിഴവ് പറ്റിയത് തങ്ങള്‍ക്ക് തന്നെയാണെന്നും സംഗക്കാര പറഞ്ഞു.
‘പവര്‍പ്ലേയില്‍ 42-1 എന്ന നിലയിലായിരുന്നു ഞങ്ങള്‍. അത് പോലെ തന്നെ 13-14 ഓവര്‍ വരെ ഏഴ് വിക്കറ്റ് എങ്കിലും കൈയില്‍ വെച്ച് മുന്‍പോട്ട് പോവാനായിരുന്നു പ്ലാന്‍. എന്നാല്‍ സാഹചര്യത്തോട് ഇണങ്ങാനായില്ല. മുംബൈ വളരെ നന്നായി പന്തെറിഞ്ഞു. വിക്കറ്റുകള്‍ ഒരുപാട് നഷ്ടമായതോടെ ഒരു ഘട്ടത്തിലും ആക്രമിച്ച് കളിക്കാന്‍ നമുക്കായില്ല. പിച്ചിനേക്കാളും ടോസിനേക്കാളും പിഴവ് പറ്റിയത് ഞങ്ങള്‍ക്കാണ്.’
‘ഷാര്‍ജയിലേത് പോലുള്ള പിച്ചുകള്‍ ബാറ്ററുടെ ഫ്ളെക്സിബിളിറ്റിയും മനസും ടെസ്റ്റ് ചെയ്യുന്നതാണ്. ടി20ക്ക് ഇണങ്ങുന്ന പിച്ച് അല്ല ഇത്. ഇങ്ങനെ ഒരു പിച്ചില്‍ കളിക്കുന്നതും ഒരനുഭവമാണ്. ടി20 ലോക കപ്പിനായി ഈ പിച്ചുകള്‍ എങ്ങനെ എത്തുമെന്ന് കാത്തിരുന്ന് കാണാം’ സംഗക്കാര പറഞ്ഞു.
Read more
മുംബൈയ്‌ക്കെതിരായ നിര്‍ണായക മത്സരത്തില്‍ എട്ട് വിക്കറ്റിനാണ് രാജസ്ഥാന്‍ പരാജയപ്പെട്ടത്. രാജസ്ഥാന്‍ മുന്നോട്ടുവെച്ച 91 റണ്‍സ് വിജയലക്ഷ്യം 70 പന്തുകള്‍ ശേഷിക്കെ മുംബൈ മറികടന്നു. സീസണിലെ ആദ്യ ഫിഫ്റ്റി കുറിച്ച ഇഷാന്‍ കിഷനാണ് (50*) മുംബൈയുടെ വിജയം വേഗത്തിലാക്കിയത്.
