ഇന്ത്യയും ശ്രീലങ്കയും തമ്മില് ഇന്ന് നടക്കേണ്ടിയിരുന്ന ടി20 മത്സരം മാറ്റിവെച്ചു. ഇന്ത്യന് താരം ക്രുണാല് പാണ്ഡ്യയ്ക്ക് കോവിഡ് പോസിറ്റീവായ സാഹചര്യത്തിലാണ് മത്സരം മാറ്റിയത്. ഈ മത്സരം ബുധനാഴ്ച നടത്തും.
ശ്രീലങ്കയിലെത്തിയതു മുതല് കളിക്കാര് ബയോ ബബിളിലായിരുന്നു. അതിനാല് തന്നെ താരത്തിന് കോവിഡ് ബാധിച്ചതെന്ന് വ്യക്തമല്ല. എന്നാല് ബയോ ബബിളില് എന്തെങ്കിലും ലംഘനം നടന്നിട്ടുണ്ടോയെന്നതില് അറിവില്ല.
ഇരു ടീമുകളിലെയും താരങ്ങളെയും പരിശീലക സംഘാംഗങ്ങളെയും ഐസലേഷനിലേക്കു മാറ്റിയിട്ടുണ്ട്. എല്ലാവരെയും കോവിഡ് പരിശോധനയ്ക്ക് വിധേയരാക്കി ഫലം നെഗറ്റീവാണെന്ന് ഉറപ്പു വരുത്തിയിട്ടു മാത്രമേ ബുധനാഴ്ച മത്സരം നടത്തുന്ന കാര്യത്തില് അന്തിമ തീരുമാനം കൈക്കൊള്ളൂ.
Read more
മൂന്ന് മത്സരങ്ങളടങ്ങിയ ടി20 പരമ്പരയിലെ ആദ്യ മത്സരത്തില് ഇന്ത്യ വിജയിച്ചിരുന്നു. ഈ മത്സരത്തില് ക്രുണാലും കളിച്ചിരുന്നു എന്നത് ആശങ്ക വര്ദ്ധിപ്പിക്കുന്നതാണ്.