റോഡ് സേഫ്റ്റി വേൾഡ് സീരീസിൽ തിങ്കളാഴ്ച നടന്ന ഇന്ത്യ ലെജൻഡ്സ് vs ന്യൂസിലൻഡ് ലെജൻഡ്സ് മത്സരത്തിൽ മഴ കാരണം ഫലം ഇല്ലാതെ ആയിരുന്നു. എന്നാൽ പരിമിതമായ സമയത്തിനുള്ളിൽ സച്ചിൻ ടെണ്ടുൽക്കർ തന്റെ സ്ട്രോക്ക് പ്ലേയിലൂടെ ആരാധകരെ രസിപ്പിച്ചുവെന്ന് ഉറപ്പാക്കി. ഇൻഡോറിലെ ഹോൾക്കർ ക്രിക്കറ്റ് സ്റ്റേഡിയത്തിൽ 5.5 ഓവർ കളി മാത്രമേ സാധ്യമായുള്ളൂ എന്നതും ശ്രദ്ധേയമാണ്. മഴ കാരണം മത്സരം ഫലമില്ലാതെ അവസാനിച്ചു. അപ്പോഴേക്കും സച്ചിൻ 13 പന്തിൽ 19 റൺസെടുത്തിരുന്നു. അദ്ദേഹത്തിന്റെ ഇന്നിങ്സിൽ നാല് ഫോറുകൾ ഉൾപ്പെടുന്നു, അതിലെ ഒരു ലാപ് ഷോട്ടാണ് ഇപ്പോൾ വൈറൽ ആകുന്നത്.
മുൻ ന്യൂസിലൻഡ് പേസർ കെയ്ൽ മിൽസ് ഗുഡ് ലെങ്ത് ബോളിൽ സച്ചിൻ ഡീപ് ഫൈൻ-ലെഗ് ബൗണ്ടറിയിലേക്ക് നേടിയ മനോഹരമായ ലാപ് ഷോട്ട് മനോഹരമായ ഒരു വിരുന്ന് തന്നെ ആയിരുന്നു. ഈ പ്രായത്തിലും ആ ക്ലാസ്സ് തന്നെ വിട്ട് പോയിട്ടില്ലെന്ന് സച്ചിൻ ഒരിക്കൽക്കൂടി തെളിയിച്ചു.
സച്ചിൻ എന്ന ഇതിഹാസത്തിന്റെ ഏറ്റവും മികച്ച പ്രായത്തിൽ ആയിരുന്നു ടി20 യുടെ വരവെങ്കിൽ പല റെക്കോർഡുകളും അയാൾ തകർക്കുമായിരുന്നു എന്നും ആരാധകർ പറയുന്നു.
ഇന്ത്യൻ ടീമിന്റെ രണ്ട് മത്സരങ്ങളാണ് നിലവിൽ മഴമൂലം ഉപേക്ഷിച്ചിരിക്കുന്നത്. എന്തിരുന്നാലും പോയിന്റ് പട്ടികയിൽ മൂന്നാമതാണ് ടീം ഇപ്പോൾ.
Sachin Tendulkar playing those lap shots like a youngster. 🙏
Just Imagine if T20 in his Prime Days. #SachinTendulkarpic.twitter.com/Qx33kiFzNI
— Sachin Tendulkar🇮🇳FC (@CrickeTendulkar) September 19, 2022
Read more