ഏഷ്യാ കപ്പ് ചാമ്പ്യന്മാരായി എത്തിയ ഇന്ത്യ ഓസീസിനെതിരായ പരമ്പരയിലും മിന്നുന്ന ഫോമിലാണ്. ആദ്യ മത്സരത്തില്‍ ഓസീസിനെ അഞ്ച് വിക്കറ്റിന് തോല്‍പ്പിച്ച ഇന്ത്യ, രണ്ടാം മത്സരത്തില്‍ 99 റണ്‍സിനാണ് ജയിച്ചു കയറിയത്. ബാറ്റര്‍മാരും ബോളര്‍മാരും ഒരുപോലെ മികച്ചുനിന്ന മത്സരത്തിലെന്നാല്‍ ഇന്ത്യയുടെ ഫീല്‍ഡീംഗ് ഏറെ നിരാശപ്പെടുത്തി. ഇപ്പോഴിതാ ഇക്കാര്യത്തില്‍ ടീമിന് മുന്നറിയിപ്പുമായി രംഗത്തുവന്നിരിക്കുകയാണ് ഇന്ത്യയുടെ എക്കാലത്തെയും മികച്ച ഫീല്‍ഡര്‍മാരില്‍ ഒരാളായ മുഹമ്മദ് കൈഫ്.
‘ബാറ്റിംഗും ബോളിംഗും നന്നായാല്‍ മത്സരം വിജയിക്കും. അതുപോലെ ക്യാച്ചുകള്‍ക്കും മത്സരം വിജയിപ്പിക്കാന്‍ കഴിയും’ കൈഫ് എക്‌സ് പ്ലാറ്റ്‌ഫോമില്‍ കുറിച്ചു. ക്യാച്ചുകള്‍ കൈവിട്ടുകളഞ്ഞാല്‍ അതിന് വലിയ വില കൊടുക്കേണ്ടിവരുമെന്നാണ് കൈഫ് പറഞ്ഞുവെച്ചിരിക്കുന്നത്.
Caution: India may drop the World Cup if they don’t catch well. Batting and bowling can win matches but so can catches.
— Mohammad Kaif (@MohammadKaif) September 22, 2023
ഏഷ്യാ കപ്പിലും ഓസ്‌ട്രേലിയയ്‌ക്കെതിരായ ആദ്യ മത്സരത്തിലും ഇന്ത്യന്‍ ഫീല്‍ഡിങ്ങില്‍ നിരവധി പിഴവുകള്‍ വന്നു. ക്യാച്ചിനും റണ്‍ഔട്ടിനുമുള്ള അവസരങ്ങള്‍ നഷ്ടപ്പെടുത്തി. ഇക്കാര്യം ചൂണ്ടിക്കാട്ടിയാണ് കൈഫിന്റെ വിമര്‍ശനം.
Read more
ഇന്‍ഡോറില്‍ നടന്ന രണ്ടാം ഏകദിനത്തിലും ഇന്ത്യയുടെ മോശം ഫീല്‍ഡിംഗാണ് വിജയം വൈകിപ്പിച്ചത്. അടുത്തടുത്ത് ഇന്ത്യ രണ്ട് ക്യാച്ചുകളും റണ്ണൗട്ട് അവസരവും നഷ്ടപ്പെടുത്തിയിരുന്നു. ഒപ്പം നിരവധി മിസ് ഫീല്‍ഡിംഗും കാണാനായി.
