ഇന്ത്യന്‍ പ്രീമിയര്‍ ലീഗിന്റ ഉദ്ഘാടന സീസണ്‍ മുതല്‍ പിന്നീട് ഇങ്ങോട്ട് ഇതുവരെ മുഴങ്ങി കേള്‍ക്കുന്ന പേരാണ് എം.എസ് ധോണിയുടേത്. അന്താരാഷ്ട്ര ക്രിക്കറ്റില്‍ നിന്ന് വിരമിച്ചിട്ട് വര്‍ഷങ്ങള്‍ കഴിഞ്ഞിട്ടും ധോണിക്ക് ആരാധക പിന്തുണയുടെ കാര്യത്തില്‍ ഒരു കുറവും ഇല്ല. ഇന്ത്യന്‍ പ്രീമിയര്‍ ലീഗ് സീസണില്‍ അദ്ദേഹത്തിന്റെ അവസാന സീസണ്‍ എന്ന് കരുതി ആളുകള്‍ അദ്ദേഹം കളിക്കുന്ന എല്ലാ സ്ഥലങ്ങളിലും തടിച്ചുകൂടുകയാണ്.
2023 സീസണിന്റെ അവസാനത്തോടെ വിരമിക്കുമെന്ന അഭ്യൂഹങ്ങൾക്കിടയിൽ ചെന്നൈ സൂപ്പർ കിംഗ്‌സ് (സിഎസ്‌കെ) ക്യാപ്റ്റൻ എം.എസ് ധോണി നടത്തിയ പ്രതികരണം കുറച്ച് ദിവസങ്ങൾക്ക് മുമ്പ് സോഷ്യൽ മീഡിയ ഏറ്റെടുത്തു. “എന്ത് പറഞ്ഞാലും ചെയ്താലും, എന്റെ കരിയറിന്റെ അവസാന ഘട്ടം, അത് ആസ്വദിക്കേണ്ടത് പ്രധാനമാണ്. ഇവിടെ ഇപ്പോൾ ആയിരിക്കുന്നത് മികച്ചതായി തോന്നുന്നു. അവർ [ചെന്നൈയിലെ ആരാധകർ ] ഒരുപാട് സ്നേഹവും വാത്സല്യവും നൽകിയിട്ടുണ്ട്. ഞാൻ പറയുന്നത് കേൾക്കാൻ അവർ എപ്പോഴും ഉണ്ടാകും.” ഇതാണ് മത്സരശേഷം ധോണി പറഞ്ഞത്.
ഇതോടെ ധോണി വിരമിക്കുമെന്നും അയാൾ അടുത്ത സീസൺ കളിക്കില്ല എന്നുമുള്ള വാദം ശക്തമായി അയാളെ കാണാൻ വരുന്നവരുടെ എണ്ണം ഗണ്യമായി കൂടുകയും ചെയ്തു, അവസാന ഘട്ടം എന്ന പ്രോയാഗമാണ് ധോണി ഉപായോഗിച്ചത് . അവസാന വര്ഷം എന്നല്ല, ധോണി എന്തായാലും തുടർന്നും കളിക്കുമെന്നും ഒരു വിഭാഗം ആരാധകർ പറഞ്ഞു. അവർക്ക് സന്തോഷം തരുന്ന വാക്കാണ് ഫ്ലെമിംഗ് ഇന്നലെ പറഞ്ഞത്. എം‌എസ് ധോണി തന്നോട് വിരമിക്കലിനെ കുറിച്ച് പറഞ്ഞിട്ടുണ്ടോ എന്ന ചോദ്യത്തിന്, “ഇല്ല, അവൻ ഒന്നും സൂചിപ്പിച്ചിട്ടില്ല” എന്ന് ഫ്ലെമിംഗ് ഇന്നലെ പ്രതികരിച്ചു.
Read more
ഇപ്പോഴും ധോണി എന്ന താരത്തെ സംബന്ധിച്ച് അയാളുടെ പഴയ വീര്യമോ മികവോ ഒന്നും ഒന്നും ഇല്ലെങ്കിലും ഇപ്പോൾ ഉള്ള പല “പ്രമുഖരെക്കാളും” ഊതിവീർപ്പിച്ച ബലൂണുകളെക്കാളും ” ഭേദമായ അവസ്ഥയിലാണ് നിൽക്കുന്നത്.
