ഇപ്പോൾ നടക്കുന്ന ടി 20 ലോകകപ്പിൽ വിജയ സാധ്യത കൂടുതലുള്ള ടീമായിരുന്നു ഇന്ത്യ. എന്നാൽ സൂപ്പർ എട്ടിലേക്ക് കടന്നതോടെ കാര്യങ്ങൾ എല്ലാം മാറി മറിഞ്ഞു. ദക്ഷിണാഫ്രിക്കയോട് 76 റൺസിന്റെ ദയനീയ പരാജയം ഏറ്റുവാങ്ങിയതോടെ ഇന്ത്യ ടൂർണമെന്റിൽ നിന്നും പുറത്താകുന്ന ലക്ഷണമാണ് കാണുന്നത്.
ഇന്ന് നടക്കുന്ന നിർണായക മത്സരത്തിൽ ഇന്ത്യ സിംബാവെയെ നേരിടും. ടീമിൽ സഞ്ജു സാംസൺ ഇടം നേടുമെന്ന റിപ്പോർട്ടുകളാണ് ഇപ്പോൾ പുറത്ത് വരുന്നത്. അക്രമണോസക്തമായ തുടക്കം ലഭിക്കണമെങ്കിൽ മലയാളി താരം തന്നെ ടീമിൽ വേണമെന്നാണ് പല മുൻ താരങ്ങളുടെയും വിലയിരുത്തൽ. ഇപ്പോഴിതാ ടീമിൽ സഞ്ജു തീർച്ചയായും വേണമെന്ന് പറഞ്ഞിരിക്കുകയാണ് മുൻ ഇന്ത്യൻ താരം എസ്. ബന്ദ്രിനാഥ്.
Read more
‘തിലകിന് പകരം സഞ്ജു ടീമിലെത്തണം. ചെന്നൈയിലെ കാണികളെല്ലാം സഞ്ജുവിനൊപ്പമായിരിക്കുമെന്ന യാഥാർഥ്യം നമ്മൾ മറക്കരുത്. കുറച്ചുനാളായി ഇന്ത്യയുടെ ടോപ് ത്രീ പരാജയപ്പെടുകയാണ്. പവർപ്ലേയിൽ ഇന്ത്യ ഓഫ്-സ്പിന്നിനെ എങ്ങനെ നേരിടും? ഇതാണ് സഞ്ജു സാംസണെ കൊണ്ടുവരാൻ ശരിയായ സമയം. അഭിഷേക് ശർമ ഇപ്പോഴും ഒരു അവസരം അർഹിക്കുന്നു. ഇഷാൻ കിഷനും അഭിഷേക് ശർമയും ഇന്നിങ്സ് ഓപ്പൺ ചെയ്യട്ടെ.അദ്ദേഹം ഒരു എക്സ് ഫാക്ടർ താരമാണ്’ ബന്ദ്രിനാഥ് പറഞ്ഞു.
