ഐ.പി.എല്ലിന്റെ 13ാം പതിപ്പിന് തയാറെടുക്കുന്ന കൊല്‍ക്കത്ത നൈറ്റ് റൈഡേഴ്‌സ് ടീമില്‍ ബിജെപി നേതാവ് സന്ദീപ് വാരിയര്‍. ഗൂഗിളിന് വന്‍ അമളിയാണ് സന്ദീപ് വാരിയറെ ടീമിലെത്തിച്ചത്. ഗൂഗിളില്‍ kkr squad 2020 എന്ന് തിരഞ്ഞാല്‍ ബോളര്‍മാരുടെ നിരയില്‍ ബിജെപി വക്താവ് കൂടിയായ സന്ദീപ് വാരിയരുടെ ചിത്രമാണ് വന്നിരുന്നത്. അമളി മനസിലാക്കിയതിനാലാവണം ഗൂഗിള്‍ ചിത്രമിപ്പോള്‍ പിന്‍വലിച്ചിട്ടുണ്ട്.
സ്‌ക്രീന്‍ഷോട്ട് സഹിതം ട്രോള്‍ ഗ്രൂപ്പുകളില്‍ സംഭവം വ്യാപകമായി പ്രചരിക്കുന്നുണ്ട്. #selftroll എന്ന ഹാഷ്ടാഗോടെ സന്ദീപ് വാരിയര്‍ തന്നെ ഇക്കാര്യം പങ്കുവെച്ചിട്ടുണ്ട്. ശുഭ്മാന്‍ ഗില്‍, ശിവം മാവി, പ്രദീഷ് കൃഷ്ണ, ഒയിന്‍ മോര്‍ഗന്‍, എന്നീ താരങ്ങള്‍ക്ക് ശേഷമാണ് മലയാളി താരം സന്ദീപ് വാരിയരുടെ സ്ഥാനത്ത് ആളുമാറി ബിജെപി നേതാവ് ഇടംപിടിച്ചത്.
https://www.facebook.com/Sandeepvarierbjp/posts/4279153695459697
കോവിഡിനെ തുടര്‍ന്ന് യു.എ.ഇയില്‍ വെച്ചാണ് ഇത്തവണത്തെ ഐപിഎല്‍ നടക്കുന്നത്. എല്ലാ ടീമുകളും ഇതിനോടകം യു.എ.യിലെത്തിയിട്ടുണ്ട്. കളിക്കാര്‍ നിലവില്‍ ഹോട്ടലില്‍ ഒരാഴ്ച ക്വാറന്റൈനില്‍ കഴിയുകയാണ്.
Read more
സെപ്റ്റംബര്‍ 19നാണ് ഐ.പി.എല്ലിന്റെ 13ാം സീസണ്‍ ആരംഭിക്കുന്നത്. 53 ദിവസം നീളുന്ന ടൂര്‍ണമെന്റിന് ദുബായ്, ഷാര്‍ജ, അബുദാബി എന്നിവിടങ്ങളിലെ സ്റ്റേഡിയങ്ങളാണ് വേദിയാവുക. നവംബര്‍ 10-നാണ് ഫൈനല്‍.
