മുൻ ഇന്ത്യൻ ഓപ്പണർ ശിഖർ ധവാൻ രവീന്ദ്ര ജഡേജയുടെ സമീപകാല ഇൻസ്റ്റാഗ്രാം പോസ്റ്റിനെക്കുറിച്ച് പറഞ്ഞ അഭിപ്രായങ്ങൾ വൈറലായിരിക്കുകയാണ്. ജഡേജ നിലവിൽ ക്രിക്കറ്റിൽ നിന്ന് ഒഴിവു സമയം ആസ്വദിക്കുകയാണ്. 2024 ടി20 ലോകകപ്പിലാണ് അദ്ദേഹം അവസാനമായി കളിച്ചത്. ജൂൺ 29 ന് ബാർബഡോസിൽ നടന്ന ഫൈനലിൽ ദക്ഷിണാഫ്രിക്കയെ ഏഴ് റൺസിന് പരാജയപ്പെടുത്തി ഇന്ത്യ കിരീടം നേടിയിരുന്നു.
തൊട്ടടുത്ത ദിവസം അദ്ദേഹം ടി 20 യിൽ നിന്ന് വിരമിക്കൽ പ്രഖ്യാപിച്ചു. ശ്രീലങ്കയ്‌ക്കെതിരായ ഇന്ത്യയുടെ മൂന്ന് മത്സര ഏകദിന പരമ്പരയിലേക്ക് അദ്ദേഹത്തെ പരിഗണിച്ചില്ല, അവിടെ ലങ്ക 2-0 ന് വിജയിച്ചു, ഒരു മത്സരം ടൈയിൽ അവസാനിച്ചു.
സെപ്‌റ്റംബർ 2 തിങ്കളാഴ്ച, ജഡേജ തൻ്റെ കുതിരക്ക് ഒപ്പമുള്ള ചിത്രങ്ങൾ പോസ്റ്റ് ചെയ്തു, അവയ്ക്ക് ഇങ്ങനെ അടിക്കുറിപ്പ് നൽകി:
“പോസ് ചെയ്യുന്നതിൽ അവൾ വളരെ മിടുക്കിയാണ്”
ധവാൻ പ്രതികരിച്ചത് ഇങ്ങനെ
“നിന്നെക്കാൾ ഭേദമായി പോസ് ചെയ്യുന്നുണ്ട്”
ഇന്ത്യൻ ക്രിക്കറ്റിലെ ഏറ്റവും മികച്ച താരങ്ങളിൽ ഒരാളായ ശിഖർ ധവാൻ താൻ അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചിരിക്കുകയാണ്. സോഷ്യൽ മീഡിയ പോസ്റ്റിലൂടെയാണ് ശിഖർ തന്റെ തീരുമാനം ലോകത്തെ അറിയിച്ചത്. ഓപ്പണിങ് ബാറ്റർ എന്ന നിലയിൽ ഇന്ത്യയെ അനേകം വിജയങ്ങളിലേക്ക് നയിച്ച ഇന്നിങ്‌സുകൾ കളിച്ചിട്ടുള്ള താരത്തിന്റെ പെട്ടെന്നുള്ള തീരുമാനം എന്തായാലും ആരാധകർക്ക് ഞെട്ടലുണ്ടാക്കി എന്ന് പറയാം.
