മോഹൻലാലിന്റെ ജന്മദിനത്തോടനുബന്ധിച്ച് കഴിഞ്ഞ ദിവസം കണ്ണപ്പ, വൃഷഭ എന്നീ ചിത്രങ്ങളിൽ നിന്നുള്ള നടന്റെ ലുക്ക് പുറത്തു വിട്ടിരുന്നു. ഏറെ ആകാംഷയോടെ ആരാധകർ കാത്തിരിക്കുന്ന രണ്ട് ചിത്രങ്ങളാണ് ഇവ. എന്നാൽ ചിത്രത്തിലെ മോഹൻലാലിൻറെ ലുക്ക് കണ്ടതോടെ സമ്മിശ്ര പ്രതികരണങ്ങളാണ് ഇപ്പോൾ വന്നു കൊണ്ടിരിക്കുന്നത്.
ഒരു ഭാഗത്ത് ട്രോളുകളും എത്തിത്തുടങ്ങിയിട്ടുണ്ട്. ‘എന്തിനാണ് ഇത്തരത്തിലുള്ള ചിത്രങ്ങൾ ചെയ്യുന്നത്?’ എന്നാണ് മിക്ക ആളുകളും ചോദിക്കുന്നത്. ‘ഇമ്മാതിരി ബാലെ വേഷമൊന്നും വേണ്ട ലാലേട്ടാ… നിങ്ങൾ ഇപ്പോഴത്തെ പോലെ ട്രാക്കിൽ അങ്ങ് പോയാൽ മതി’, ഇതും കണ്ണപ്പയും ഇറങ്ങാതിരിക്കട്ടെ’ എന്നുമൊക്കെയുള്ള കമന്റുകളും വന്നിട്ടുണ്ട്.
Next Level Poster from Team #Kannappa… looks like the entire budget was spent on Photoshop!
Masterpiece cooked by #ManchuVishnu pic.twitter.com/Ut7qeqaA5O
— Movies4u (@Movies4uOfficl) May 21, 2025
‘ചോള ഭരണ കാലത്ത് യോദ്ധാക്കൾ അഡിഡാസിന്റെ ഷൂസ് ആണോ ധരിച്ചിരുന്നത്, നല്ല ഗ്രിപ്പുണ്ടല്ലോ… നീ കണ്ണപ്പ അല്ലെടാ പൊന്നപ്പയാ’ എന്നാണ് കണ്ണപ്പയുടെ വീഡിയോ പങ്കുവച്ചുകൊണ്ട് ഒരാൾ കുറിച്ചിരിക്കുന്നത്.
Even during Chola Dynasty, warriors wore Adidas running shoes with good grip.. 🤦🏻♂️
Nee Kannappan allada Ponnappana Ponnappan. #Mohanlal #Kannappa pic.twitter.com/LmU12jFOCX
— 👑 (@kizhakoot) May 21, 2025
വിഷ്ണു മഞ്ചു നായകനായെത്തുന്ന പാൻ – ഇന്ത്യൻ ചിത്രം ‘കണ്ണപ്പ’ തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളിലായി ജൂൺ 27നാണ് റിലീസിനെത്തുക. നന്ദകിഷോർ രചനയും സംവിധാനവും നിർവഹിക്കുന്ന ചിത്രമാണ് വൃഷഭ. ഒക്ടോബർ 16ന് തെലുങ്ക്, മലയാളം, ഹിന്ദി, തമിഴ്, കന്നഡ ഭാഷകളിലായി ചിത്രം തിയറ്ററുകളിൽ എത്തും. അതേസമയം, സത്യൻ അന്തിക്കാട് സംവിധാനം ചെയ്യുന്ന ഹൃദയപൂർവം ആണ് മോഹൻലാലിന്റേതായി ഇനി പുറത്തിറങ്ങാൻ പോകുന്ന ചിത്രം.
Read more
