ഗ​തി​കി​ട്ടാ പ്രേ​തം പോ​ലെ തെ​ക്കു​വ​ട​ക്കു അ​ല​യു​ന്ന​വ​രെ മു​ന്ന​ണി​യി​ൽ ആ​വ​ശ്യ​മി​ല്ല; മാ​ണി​ക്കെതിരെ ഒളിയമ്പുമായി പ​ന്ന്യ​ൻ ര​വീ​ന്ദ്ര​ൻ

Advertisement

കെഎം മാണിയുടെ മുന്നണിപ്രവേശനത്തിനെതിരെ ഒളിയമ്പുമായി സി​പി​ഐ കേ​ന്ദ്ര സെ​ക്ര​ട്ടേ​റി​യ​റ്റം​ഗം പന്ന്യൻ രവീന്ദ്രൻ. മു​ന്ന​ണി​യെ​ന്ന നി​ല​യി​ൽ ഇ​ട​തു​പ​ക്ഷ പ്ര​സ്ഥാ​നം ശ​ക്ത​മാ​ണെ​ന്നും ഗ​തി​കി​ട്ടാ പ്രേ​തം പോ​ലെ തെ​ക്കു​വ​ട​ക്കു അ​ല​യു​ന്ന​വ​രെ മു​ന്ന​ണി​യി​ൽ ആ​വ​ശ്യ​മി​ല്ലെ​ന്നും അദ്ദേഹം പറഞ്ഞു.

സി​പി​ഐ ജി​ല്ലാ സ​മ്മേ​ള​ന​ത്തി​ന്‍റെ ഭാ​ഗ​മാ​യു​ള്ള പ്ര​തി​നി​ധി സ​മ്മേ​ള​നം ഉ​ദ്ഘാ​ട​നം ചെ​യ്തു പ്ര​സം​ഗി​ക്ക​വേ​യാ​ണു കെ.​എം മാ​ണി​ക്കെ​തി​രെ രൂ​ക്ഷ​ വി​മ​ർ​ശ​നം ന​ട​ത്തി​യ​ത്. നി​ല​വി​ലെ സാ​ഹ​ച​ര്യ​ത്തി​ൽ കേ​ര​ള​ത്തി​ൽ ഇ​ട​തു​മു​ന്ന​ണി​യെ ശ​ക്തി​പ്പെ​ടു​ത്തു​ക​യാ​ണു വേ​ണ്ട​ത്. വേ​റൊ​രി​ട​ത്തും ചെ​ല്ലാ​ൻ ക​ഴി​യാ​തെ മൃ​ത​പ്രാ​യ​രാ​യി കി​ട​ക്കു​ന്ന പാ​ർ​ട്ടി​ക​ൾ​ക്കു ക​ട​ന്നു​വ​രാ​ൻ ക​ഴി​യു​ന്ന മു​ന്ന​ണി​യ​ല്ല ഇ​ട​തു​മു​ന്ന​ണി.

എ​ൽ​ഡി​എ​ഫ് എ​ന്ന സം​വി​ധാ​നം ഉ​ണ്ടാ​ക്കാ​ൻ മു​ഖ്യ​മ​ന്ത്രി ക​സേ​ര പോ​ലും വ​ലി​ച്ചെ​റി​ഞ്ഞ പാ​ർ​ട്ടി​യാ​ണു സി​പി​ഐ​യെ​ന്നും ആ​രെ​ങ്കി​ലും വി​ചാ​രി​ച്ചാ​ൽ അ​ഴി​മ​തി​ക്കാ​രെ മു​ന്ന​ണി​യി​ൽ കൊ​ണ്ടു​വ​രാ​ൻ ക​ഴി​യി​ല്ലെ​ന്നും അ​ദ്ദേ​ഹം പ​റ​ഞ്ഞു. പ്ര​ക​ട​ന​പ​ത്രി​ക​യ​നു​സ​രി​ച്ചു വേ​ണം ഇ​ട​തു​മു​ന്ന​ണി ഭ​രി​ക്കേ​ണ്ട​തെന്നും, ഇ​തി​ൽ നി​ന്നും വ്യ​തി​ച​ലി​ക്കാ​ൻ ആ​രെ​യും അ​നു​വ​ദി​ക്കി​ല്ലെ​ന്നും പ​ന്ന്യ​ൻ ര​വീ​ന്ദ്ര​ൻ വ്യക്തമാക്കി.