തമിഴ്നാട് മുഖ്യമന്ത്രി എം.കെ സ്റ്റാലിനും ഡല്ഹി മുഖ്യമന്ത്രി അരവിന്ദ് കെജ്രിവാളും ഇന്ന് കൂടിക്കാഴ്ച നടത്തും. രാവിലെ 11 മണിക്ക് വെസ്റ്റ് വിനോദ് നഗറില് വെച്ചാണ് മുഖ്യമന്ത്രിമാരുടെ കൂടിക്കാഴ്ച.
തുടര്ന്ന് കെജ്രിവാളിനൊപ്പം സ്റ്റാലിന് ഡല്ഹിയിലെ സര്ക്കാര് സ്കൂളുകളും പ്രാഥമിക ആരോഗ്യ കേന്ദ്രമായ മൊഹല്ല ക്ലിനിക്കുകളും സന്ദര്ശിക്കും. ഡല്ഹിയിലെ വിദ്യാഭ്യാസ മേഖലയില് കൊണ്ടുവന്ന പരിഷ്കാരങ്ങളില് സ്റ്റാലിന് തൃപ്തനാണെന്നും ഈ പരിഷ്ക്കാരങ്ങളെ കുറിച്ച് മനസ്സിലാക്കാന് വേണ്ടിയാണ് സ്കൂളുകള് സന്ദര്ശിക്കുന്നതെന്നുമാണ് റിപ്പോര്ട്ടുകള്.
Read more
പ്രീ-പ്രൈമറി ക്ലാസിലെ വിദ്യാര്ഥികളുമായും ‘ഹാപ്പിനസ് ക്ലാസ്’, ‘ദേശഭക്തി ക്ലാസിലെ’ വിദ്യാര്ത്ഥികളുമായും അദ്ദേഹം സംവദിക്കും. ധനമന്ത്രി നിര്മ്മലാ സീതാരാമനുമായും പിയുഷ് ഗോയലുമായും കൂടികാഴ്ച്ച നടത്തും. മാനുഷിക പരിഗണന നല്കി ശ്രീലങ്കന് തമിഴര്ക്ക് ധനസഹായം നല്കണമെന്ന് അദ്ദേഹം കേന്ദ്രത്തോട് ആവശ്യപ്പെടുമെന്നും റിപ്പോര്ട്ടുകള് സൂചിപ്പിക്കുന്നു.