2024 ലോക്സഭ തെരഞ്ഞെടുപ്പ് ലക്ഷ്യമിട്ട് പോഡ്കാസ്റ്റ് പരമ്പരയുമായി തമിഴ്നാട് മുഖ്യമന്ത്രി എം കെ സ്റ്റാലിൻ. ‘സ്പീക്കിങ് ഫോർ ഇന്ത്യ’ എന്നാണ് ഈ സീരീസിന് പേരിട്ടിരിക്കുന്നത്.2024 ലെ ലോക്സഭാ തെരഞ്ഞെടുപ്പിൽ ബിജെപിയെ തകർക്കുക എന്ന ലക്ഷ്യത്തെ മുൻ നിർത്തിയുള്ള പ്രചാരണത്തിനാണ് ഈ പ്രഭാഷണ പരമ്പര തയ്യാറാക്കിയിരിക്കുന്നത്.
ബിജെപിക്കെതിരായ ആശയങ്ങൾ ഇതുവഴി കേൾവിക്കാരിലേക്ക് എത്തിക്കും. ബിജെപി ഭരണത്തിന് അവസാനം കുറിക്കുന്നതിനെക്കുറിച്ചു സീരീസില്‍ സംസാരിക്കും.സീരീസിന്റെ പ്രൊമോ വീഡിയോ സ്റ്റാലിൻ പുറത്തുവിട്ടു.’ഇന്ത്യക്ക് വേണ്ടി തെക്കിന്‍റെ ശബ്ദം’ എന്ന പേരിലാണ് വീഡിയോ പങ്കുവച്ചിരിക്കുന്നത്.
ഡിഎംകെയുടെ ചരിത്രം ഇതിലൂടെ പറയുന്നുണ്ട്. ഇപ്പോൾ ഇന്ത്യക്കായി സംസാരിക്കേണ്ട സാഹചര്യത്തിലാണ് എത്തി നിൽക്കുന്നതെന്ന് സ്റ്റാലിൻ പറയുന്നു.വരാനിരിക്കുന്ന ലോക്സഭാ തെരഞ്ഞെടുപ്പിൽ ബിജെപിയെ നേരിടുന്നതിനുള്ള തയ്യാറെടുപ്പെന്ന സൂചനയും ഇതിലുണ്ട്.
Read more
തെക്ക് നിന്ന് വരുന്ന ഈ ശബ്ദത്തിനായി കാത്തിരിക്കുവാനും പറഞ്ഞാണ് പ്രൊമോ വീഡിയോ അവസാനിക്കുന്നത്. ഇതിനോടകം നിരവധിപ്പേരാണ് വീഡിയോ പങ്കുവച്ചിരിക്കുന്നത്. ബിജെപിക്കെതിരായ പോരാട്ടത്തിൽ ജനങ്ങളെ ബോധവത്കരിക്കാൻ ഈ പ്രഭാഷണങ്ങൾ സഹായിക്കുമെന്നാണ് പ്രതീക്ഷ.
