രാഷ്ട്രീയ പ്രവേശന പ്രഖ്യാപനത്തിനു തൊട്ടുപിന്നാലെ തമിഴ് സൂപ്പർ താരം രജനീകാന്ത് സ്വന്തം വെബ്സൈറ്റും ആരംഭിച്ചു. രജനിമണ്ഡ്രം (rajinimandram.org) എന്ന പേരിലാണ് രജനിയുടെ വൈബ്സൈറ്റ്.
തന്‍റെ ഔദ്യോഗിക ട്വിറ്റർ പേജിലൂടെയാണ് രജനി ഇക്കാര്യം ആരാധകരെ അറിയിച്ചത്. തന്നെ പിന്തുണച്ച എല്ലാവർക്കും നന്ദി അറിയിച്ച് വീഡിയോയും അദ്ദേഹം പങ്കുവെച്ചു. കഴിഞ്ഞ ദിവസമാണ് കാലഘട്ടത്തിന്‍റെ അനിവാര്യതയെന്ന മുഖവുരയോടെ രജനി രാഷ്ട്രീയ പ്രവേശന പ്രഖ്യാപനം നടടത്തിയത്.
Read more
പ്രഖ്യാപനം വന്നതോടെ രജ നിയെ പിന്തുണച്ചു രാഷ്ട്രീയ പാർട്ടികളും ആരാധകരും രംഗത്തുവന്നു. ചെന്നൈയിൽ നടന്ന ആരാധകസംഗമത്തിലാണ് രാഷ്‌ട്രീയത്തിലിറങ്ങുകയാണെന്നു സൂപ്പർ താരം പ്രഖ്യാപിച്ചത്. എന്നാൽ, പാർട്ടിയുടെ പേര്, നിലപാട് തുടങ്ങിയ നിർണായക കാര്യങ്ങൾ അദ്ദേഹം വെളിപ്പെടുത്തിയിട്ടില്ല. നിലവിലെ രാഷ്ട്രീയ വ്യവസ്ഥിതിയിൽ മാറ്റങ്ങൾ വരുത്തുമെന്നും അദ്ദേഹം പ്രഖ്യാപിച്ചു.
