ഗുജറാത്ത് എം.എൽ.എയും ദലിത് നേതാവുമായ ജിഗ്നേഷ് മേവാനിയുടെ ഡൽഹി യുവജനറാലിക്ക് അനുമതി നിഷേധിച്ചു. രാജ്യ തലസ്ഥാനത്ത് റാലികൾ നടത്തുന്നത് ഹരിത ട്രൈബ്യൂണൽ നിരോധിച്ചിരിക്കുകയാണെന്ന് ചൂണ്ടിക്കാട്ടിയാണ് പൊലീസ് അനുമതി നിഷേധിച്ചത്.
യുവ ഹുങ്കാർ എന്നുപേരിട്ട റാലി അനുമതി ഇല്ലാതെ തന്നെ നടത്തുമെന്നും സൂചന. രഹസ്യ വിവരത്തിന്റെ അടിസ്ഥാനത്തിൽ ജലപീരങ്കിയും കണ്ണീർ വാതകവുമായി പൊലീസും റാലിക്കാരെ നിയന്ത്രിക്കാൻ സജ്ജമായിക്കഴിഞ്ഞു. പാർലമെന്റ് സ്ട്രീറ്റിലെ പ്രക്ഷോഭത്തിന് ഇതുവരെ അനുമതി നൽകിയിട്ടില്ല.
ഇവിടെ റാലികൾ നടത്തുന്നത് ഹരിത ട്രൈ ബ്യൂണൽ വിലക്കിയതാണ് അറിയിപ്പ്. മറ്റേതെങ്കിലും തെരുവുകളിൽ റാലി നടത്താൻ സംഘാടകരോട് ആവശ്യപ്പെട്ടിട്ടുണ്ടെങ്കിലും അവരതിന് തയാറായിട്ടില്ല എന്ന് ഡൽഹി പൊലീസ് ട്വീറ്റ് ചെയ്തിട്ടുണ്ട്.
No permission granted so far by Delhi Police to hold proposed protest at Parliament Street in view of NGT orders. Organisers have been constantly advised to go to alternate site which they are reluctant to accept. @PTI_News @ANI @htTweets @TOIIndiaNews @NavbharatTimes @DDNational
— DCP New Delhi (@DCPNewDelhi) January 8, 2018
Read more
എന്നാൽ ഹരിത ട്രൈബ്യൂണൽ വിധി ജന്തർ മന്തറിനു മാത്രമാണ് ബാധകമെന്നും പാർലമൻറ് സ്ട്രീറ്റിനല്ലെന്നും വിമർശകർ പറയുന്നു. റാലിയിൽ പങ്കെടുക്കുന്നവർ ഇന്ന് ഉച്ചക്ക് 12ന് പാർലമെന്റ് സ്ട്രീറ്റിൽ എത്തിച്ചേരുവാൻ ആവശ്യപ്പെട്ട് സംഘാടകർ പ്രസ്താവന ഇറക്കിയിട്ടുണ്ട്.