പ്രസംഗമദ്ധ്യേ വെള്ളം ചോദിച്ച് ഉദ്യോഗസ്ഥയ്ക്ക് വെള്ളംകുപ്പിയുമായി എത്തിയത് കേന്ദ്രമന്ത്രി നിര്മ്മല സീതാരാമന്. നാഷണല് സെക്യൂരിറ്റീസ് ഡിപ്പോസിറ്ററി ലിമിറ്റഡിന്റെ (എന്എസ്ഡിഎല്) മാനേജിങ് ഡയറക്ടര് പത്മജ ചുന്ദുരുവിന് കേന്ദ്ര മന്ത്രി വെള്ളം നല്കുന്നതിന്റെ ദൃശ്യങ്ങളാണ് ഇപ്പോള് സമൂഹ മാദ്ധ്യമങ്ങളില് വൈറലായിരിക്കുന്നത്.
മുംബൈയില് നടന്ന എന്എസ്ഡിഎല്ലിന്റെ രജതജൂബിലി ആഘോഷവേളയില് പ്രസംഗിക്കുന്നതിനിടെയാണ് പത്മജ വെള്ളം വേണമെന്ന് ആംഗ്യം കാണിച്ചത്. ഇതിന് ശേഷം പ്രസംഗം തുടരുകയും ചെയ്തു. പിന്നാലെ ധനമന്ത്രി നിര്മ്മല സീതാരാമന് ഇരിപ്പിടത്തില് നിന്ന് എഴുന്നേറ്റ് വേദിക്ക് കുറുകെ നടന്ന് വെള്ളംകുപ്പിയും ഗ്ലാസുമായി പത്മജയ്ക്കടുത്തെത്തി വെള്ളം ഒഴിച്ചുനല്കുകയായിരുന്നു.
ഇതോടെ സദസ്സില് നിന്ന് കയ്യടി ഉയര്ന്നു. പത്മജ ത്ഭുതത്തോടെ നിര്മല സീതാരാമനെ നോക്കുന്നതും നന്ദി പറയുന്നതും ദൃശ്യങ്ങളില് നിന്ന് വ്യക്തമാണ്. കേന്ദ്രമന്ത്രി ധര്മേന്ദ്ര പ്രധാന് ഉള്പ്പെടെയുള്ളവര് വീഡിയോ സമൂഹമാധ്യമത്തില് പങ്കുവച്ചിട്ടുണ്ട്.
നിര്മല സീതാരാമന്റെ പ്രവര്ത്തി അവരുടെ വിശാല ഹൃദയതയും, വിനയവും, മൂല്യങ്ങളുമാണ് പ്രതിഫലിപ്പിക്കുന്നതെന്നാണ് ധര്മേന്ദ്ര പ്രധാന് ട്വിറ്ററില് വീഡിയോ പങ്കുവച്ചുകൊണ്ട് കുറിച്ചത്.
This graceful gesture by FM Smt. @nsitharaman ji reflects her large heartedness, humility and core values.
A heart warming video on the internet today. pic.twitter.com/isyfx98Ve8
— Dharmendra Pradhan (@dpradhanbjp) May 8, 2022
Read more