രാജസ്ഥാനില്‍ ഉപതിരഞ്ഞെടുപ്പ് നടന്ന രണ്ടു നിയമ സഭ സീറ്റുകളിലും കോൺഗ്രസ് ലീഡ് നേടി. മണ്ഡാവ മണ്ഡലത്തില്‍ മത്സരിച്ച കോണ്‍ഗ്രസ് സ്ഥാനാര്‍ത്ഥി റീത്ത ചൗധരി 7745 വോട്ടിന് മുമ്പിലാണ്. നഗൗര്‍ മണ്ഡലത്തില്‍ 144 വോട്ടിനാണ് കോൺഗ്രസ് സ്ഥാനാർത്ഥി മുന്നിട്ട് നില്‍ക്കുന്നത്.
പഞ്ചാബില്‍ നിയമസഭ ഉപതിരഞ്ഞെടുപ്പിലും കോണ്‍ഗ്രസ് മുന്നേറ്റമാണ്. നാല് സീറ്റുകളിലേക്കാണ് പഞ്ചാബിൽ ഉപതിരഞ്ഞെടുപ്പ് നടന്നത്.ഇതില്‍ മൂന്നു സീറ്റുകളിലാണ് കോണ്‍ഗ്രസ് ലീഡ് നേടിയത്. ഒരു സീറ്റിലാണ് അകാലിദളിനാണ് ലീഡ്.
Read more
ജലാലാബാദ്, പഗ്‌വാര, മുഖെരിയാന്‍ എന്നീ സീറ്റുകളിലാണ് കോണ്‍ഗ്രസ് ലീഡ് നേടിയത്. ദാക്ക സീറ്റിലാണ് അകാലി ദള്‍ ലീഡ് നേടിയത്. 5000-ന് മുകളിലാണ് കോണ്‍ഗ്രസ് സ്ഥാനാര്‍ത്ഥികള്‍ ലീഡ് നേടിയത്. 6447 വോട്ടിന്റെ ലീഡാണ് അകാലിദള്‍ സ്ഥാനാര്‍ത്ഥി നേടിയത്. നവജോത് സിംഗ് സിദ്ദുവും മുഖ്യമന്ത്രി ക്യാപ്റ്റൻ അമരീന്ദര്‍ സിംഗും തമ്മിലുള്ള പോര് കോണ്‍ഗ്രസിനെ ബാധിച്ചിട്ടില്ലെന്ന വിലയിരുത്തലിലാണ് നിരീക്ഷകർ.
