വാട്‌സ്ആപ്പ് ചാറ്റ് ചോർന്ന സംഭവത്തിൽ വിശദീകരണവുമായി റിപ്പബ്ലിക്ക് ടിവി എഡിറ്റർ അർണബ് ഗോസ്വാമി രംഗത്ത്. പുൽവാമ ആക്രമണത്തിന് ശേഷം ഇന്ത്യ തിരിച്ചടിക്കുമെന്ന് കരുതുന്നതിൽ എന്താണ് തെറ്റെന്ന് അർണാബ് ഗോസ്വാമി ചോദിക്കുന്നു.
തന്റെ ചാനൽ മാത്രമല്ല, മറ്റ് ചാനലുകളും അത്തരത്തിലുള്ള റിപ്പോർട്ടുകൾ നൽകിയിരുന്നുവെന്നും അർണബ് അഭിപ്രായപ്പെട്ടു. റിപ്പബ്ലിക്ക് ടിവിയിലൂടെയായിരുന്നു അദ്ദേഹത്തിന്റെ പ്രതികരണം.
സർക്കാർ പരസ്യമായി പ്രസ്താവിച്ച കാര്യം ഒരു മാധ്യമ പ്രവർത്തകൻ പറയുന്നത് കുറ്റകൃത്യമായി കോൺഗ്രസ് കണക്കാക്കുന്നത് കാണുമ്പോൾ തനിക്ക് ഭയമാണുണ്ടാവുന്നതെന്നും അർണബ് പറഞ്ഞു.
കഴിഞ്ഞ പത്ത് മാസമായി പലരും ചെയ്യാത്ത കുറ്റത്തിന് തന്നെ വേട്ടയാടുകയാണെന്നും അറസ്റ്റ് ചെയ്തുവെന്നും അർണബ് ഗോസ്വാമി കൂട്ടിചേർത്തു.
Read more
അർണബ് ഗോസ്വാമിയും ബാർക് സിഇഒ പാർത്തോ ദാസ് ഗുപ്തയുമായി അർണബ് ചാറ്റ് ചെയ്തതിന്റെ സ്‌ക്രീൻഷോട്ടാണ് കഴിഞ്ഞ ദിവസം പുറത്തുവന്നത്.
