ഇത്തവണ തിരുവനന്തപുരം സെന്ട്രലില് വിജയം ഉറപ്പാണെന്ന് എല്ഡിഎഫ് സ്വതന്ത്ര സ്ഥാനാര്ത്ഥി സുധീര് കരമന. കണക്കുകളെല്ലാം അനുകൂലമാണെന്നും ഇടതുപക്ഷത്തോടൊപ്പം മത്സരിക്കാന് കഴിഞ്ഞതില് സന്തോഷമുണ്ടെന്നും സുധീര് കരമന പറഞ്ഞു.
ഫലം എന്തായാലും ഇനി സജീവ രാഷ്ട്രീയത്തില് ഉണ്ടാകും. പാര്ട്ടി ഏല്പ്പിക്കുന്ന എന്ത് ചുമതലും നിര്വഹിക്കും. ഒരു സര്ക്കാരിന് ചെയ്യാന് കഴിയുന്ന എല്ലാം ചെയ്തെന്നും അപ്പോള് ഒരു തുടര്ഭരണം ഉണ്ടാകേണ്ടതല്ലേ എന്നും സുധീര് കരമന ചോദിച്ചു. ജനങ്ങള് വിലയിരുത്തട്ടെ എന്നും അദ്ദേഹം പറഞ്ഞു.
അതേസമയം, ഇടതുപക്ഷം മൂന്നാം തവണയും ഭരണത്തില് വരുമെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദന് പറഞ്ഞു. ഒരു ടെന്ഷനും ഇല്ലെന്നും ഇടതുമുന്നണിക്ക് വിജയം ഉറപ്പാണെന്നും അദ്ദേഹം പറഞ്ഞു.
Read more
