കോൺഗ്രസ് നേതാക്കളും അണികളും നടത്തിയ സൈബർ ആക്രമണങ്ങൾ ഓരോന്നായി മുഖ്യമന്ത്രി പിണറായി വിജയൻ ഇന്ന് എടുത്ത് പറഞ്ഞിരുന്നു. സി.പി.എം നേരത്തെ ആൾക്കാരെ നേരിട്ട് കൊല്ലുകയായിരുന്നു ഇപ്പോൾ സൈബർ സ്പേസിലൂടെ ആണ് ചിത്രവധം ചെയ്യുന്നത് എന്ന പ്രതിപക്ഷ നേതാവിന്റെ ആരോപണത്തിന് മറുപടി പറയുകയായിരുന്നു വാർത്താസമ്മേളനത്തിൽ മുഖ്യമന്ത്രി. അതേസമയം മുഖ്യമന്ത്രിയുടെ വാക്കുകളെ പരിഹസിച്ച് കോൺഗ്രസ് എം.എൽ.എ വി.ടി ബൽറാം രംഗത്തെത്തി. “ഇനിയെങ്കിലും അദ്ദേഹത്തിന് ഒരാശ്വാസം കിട്ടിയാൽ മതിയായിരുന്നു, ഇരിക്കുന്ന മഹത്തായ കസേര ആകെ നാറ്റിച്ച് നാശകോശമാക്കിയെങ്കിലും!” എന്ന് വി.ടി ബൽറാം ഫെയ്സ്ബുക്കിൽ കുറിച്ചു.
വി. ടി ബൽറാമിന്റെ ഫെയ്സ്ബുക്ക് പോസ്റ്റ്:
അന്നു മുതൽ ആറേഴ് കൊല്ലമായി വയറ്റിൽ അടക്കിപ്പിടിച്ചിരുന്നതാണ്.
അവിടെ നിന്ന് താഴോട്ടു പോകാതെ നേരെ സ്വന്തം മസ്തിഷ്ക്കത്തിലേക്കും പിന്നീട് നാവിലേക്കും അവിടെ നിന്ന് പത്രസമ്മേളന മൈക്കിലേക്കും അമൃത് നുണയാൻ പൊളിച്ചിരിക്കുന്ന അന്തം കമ്മികളുടെ വായിലേക്കും അദ്ദേഹം അത് പകർന്നു നൽകി എന്ന് മാത്രം കരുതിയാൽ മതി.
ഇനിയെങ്കിലും അദ്ദേഹത്തിന് ഒരാശ്വാസം കിട്ടിയാൽ മതിയായിരുന്നു, ഇരിക്കുന്ന മഹത്തായ കസേര ആകെ നാറ്റിച്ച് നാശകോശമാക്കിയെങ്കിലും!
ഇതായിരുന്നു എന്നും അദ്ദേഹം
ഇത് മാത്രമായിരുന്നു എന്നും അദ്ദേഹം.
Read more
https://www.facebook.com/vtbalram/posts/10157897218799139
