എറണാകുളം സെന്‍ട്രല്‍ സ്റ്റേഷന്‍ ലോക്കപ്പില്‍ കസ്റ്റഡിയില്‍ കഴിയുകയായിരുന്ന ട്രാന്‍സ്‌ജെന്‍ഡര്‍ ആത്മഹത്യയ്ക്ക് ശ്രമിച്ചു. പുല്ലേപടിയിലുള്ള ഐശ്വര്യ റീജന്‍സി ഹോട്ടലില്‍ നിന്നാണ് ഇന്നലെ ഓണ്‍ലൈന്‍ പെണ്‍വാണിഭസംഘത്തെ പൊലീസ് പിടികൂടിയത്.
അറസ്‌ററിലായവരില്‍ ഹോട്ടല്‍ നടത്തിപ്പുകാരനും മാനേജരും അഞ്ചു സ്ത്രീകളും നാലു ട്രാന്‍സ്‌ജെന്‍ഡേഴ്‌സും ഉള്‍പെട്ടിരുന്നു. ഇക്കൂട്ടത്തിലുണ്ടായിരുന്ന “സായ” എന്ന രതീഷ്‌ ആണ് കൈ ഞരമ്പ്‌ മുറിച്ചു ആത്മഹത്യ ചെയ്യാന്‍ ശ്രമിച്ചത്. ലോക്കപ്പിനുള്ളിൽ ആത്മഹത്യാ ശ്രമം നടത്തിയതായി പോലീസ് സ്ഥിരീകരിച്ചിട്ടുണ്ട്.
Read more
എറണാകുളം സെന്‍ട്രല്‍ പൊലീസ് അവരെ രാത്രി തന്നെ ആശുപത്രിയില്‍ കൊണ്ടുപോയി വേണ്ട ചികിത്സ നല്‍കി എന്നും അറിയിച്ചു. സായ്ക്കുമേല്‍ ആത്മഹത്യാ കുറ്റംചുമത്തി കേസ് എടുത്തിട്ടുണ്ടോ എന്ന് വ്യക്തമല്ല. ‘കേസിന്‍റെ വിശദാംശങ്ങള്‍ സ്പെഷ്യല്‍ ബ്രാഞ്ചിനു കൈമാറി’ എന്നാണ് അറിയിച്ചത്.
