കുറുപ്പുന്തറ-ഏറ്റുമാനൂര്‍ ഇരട്ടപ്പാത കമ്മീഷന്‍ ചെയ്യുന്നതിന് മുന്നോടിയായുള്ള സിഗ്‌നലിംഗ് ജോലികള്‍ക്കായി കോട്ടയം റൂട്ടില്‍ ഏഴ് ദിവസം ട്രെയിന്‍ ഗതാഗത നിയന്ത്രണം ഏര്‍പ്പെടുത്തി. 25 മുതല്‍ 31 വരെ ആറ് പാസഞ്ചറുകളാണ് റദ്ദാക്കിയത്. 56387 എറണാകുളം കായംകുളം പാസഞ്ചര്‍, 56388 കായംകുളം എറണാകുളം പാസഞ്ചര്‍, 66300 കൊല്ലം എറണാകുളം മെമു, 66301 എറണാകുളം കൊല്ലം മെമു, 66307 എറണാകുളം കൊല്ലം മെമു, 66308 കൊല്ലം എറണാകുളം മെമു.
27 മുതല്‍ 31 വരെ ആലപ്പുഴ വഴിയുള്ള അഞ്ച് പാസഞ്ചറുകളും റദ്ദാക്കിയിട്ടുണ്ട്. 56380 കായംകുളം എറണാകുളം പാസഞ്ചര്‍, 56381 എറണാകുളം കായംകുളം പാസഞ്ചര്‍, 56382 കായംകുളം എറണാകുളം പാസഞ്ചര്‍, 66302 കൊല്ലം എറണാകുളം മെമു, 66303 എറണാകുളം കൊല്ലം മെമു എന്നിവയാണ് റദ്ദാക്കിയത്.
കന്യാകുമാരി മുംബൈ സിഎസ്ടി ജയന്തി എക്സ്പ്രസ്, ഹൈദരാബാദ് തിരുവനന്തപുരം ശബരി എക്സ്പ്രസ് എന്നിവ 27 മുതല്‍ 31 വരെയും കോര്‍ബ തിരുവനന്തപുരം എക്സ്പ്രസ് 25, 29 തിയതികളിലും ആലപ്പുഴ വഴി സര്‍വീസ് നടത്തും. നാഗര്‍കോവില്‍ മംഗളുരു പരശുറാം, തിരുവനന്തപുരം ഹൈദരാബാദ് ശബരി, കൊച്ചുവേളി ലോകമാന്യതിലക് ഗരീബ്, തിരുവനന്തപുരം ന്യൂഡല്‍ഹി കേരള, ന്യൂഡല്‍ഹി തിരുവനന്തപുരം കേരള എക്സ്പ്രസ് എന്നിവ 31ന് ആലപ്പുഴ വഴിയും സര്‍വീസ് നടത്തും. എറണാകുളം ജംഗ്ഷന്‍, ചേര്‍ത്തല, ആലപ്പുഴ, അമ്പലപ്പുഴ, ഹരിപ്പാട് എന്നിവിടങ്ങളില്‍ ഈ ട്രെയിനുകള്‍ക്ക് സ്റ്റോപ്പ് ഉണ്ടാകും.
Read more
തിരുവനന്തപുരം ന്യൂഡല്‍ഹി കേരള എക്സ്പ്രസ് 25 മുതല്‍ 30 വരെ കോട്ടയം സ്റ്റേഷനില്‍ ഒരു മണിക്കൂറോളം പിടിച്ചിടും. 25 മുതല്‍ 31 വരെ മംഗളുരു നാഗര്‍കോവില്‍ പരശുറാം എക്സ്പ്രസ് 50 മിനിട്ടും, 25,26 തിയതികളില്‍ ഹൈദരാബാദ് തിരുവനന്തപുരം ശബരി എക്സ്പ്രസ് ഒരു മണിക്കൂര്‍ കുറുപ്പുന്തറയിലും പിടിച്ചിടും. കുറുപ്പന്തറ-ഏറ്റുമാനൂര്‍ രണ്ടാം റെയില്‍പ്പാത 31ന് തുറക്കുമെന്നും റെയില്‍വേ അറിയിച്ചു.
