ബിജെപി പിന്തുണ തേടി ആരുടെയും അടുത്തു പോയിട്ടില്ലെന്ന് മുന്‍ ഡിജിപി ടി.പി സെന്‍കുമാര്‍. ബിജെപി നേതാവും കേന്ദ്രമന്ത്രിയുമായ വി.മുരളീധരന്റെ പരാമര്‍ശങ്ങള്‍ക്കു മറുപടിയായാണ് ടി.പി. സെന്‍കുമാര്‍ ഇങ്ങനെ പറഞ്ഞത്. ബി.ഡി.ജെ.എസ് നേതാവ് തുഷാര്‍ വെള്ളാപ്പള്ളിക്കെതിരെയും എസ്എന്‍ഡിപിക്ക് എതിരേയും സുഭാഷ് വാസു, സെന്‍കുമാര്‍ എന്നിവര്‍ നടത്തിയ നീക്കങ്ങള്‍ തള്ളിപ്പറഞ്ഞു മുരളീധരന്‍ കഴിഞ്ഞ ദിവസം രംഗത്തെത്തിയിരുന്നു.
സെന്‍കുമാറിന് എന്‍ഡിഎയുമായി ഒരു ബന്ധവുമില്ലെന്നും ഇവരുടെ നീക്കങ്ങളില്‍ ബിജെപിക്കു പങ്കില്ലെന്നുമായിരുന്നു മുരളീധരന്റെ വിശദീകരണം. ഇതിനോടാണു സെന്‍കുമാര്‍ പ്രതികരിച്ചത്.
Read more
ബിജെപി പിന്തുണ തേടി ആരുടെ അടുത്തും പോയിട്ടില്ല. ശബരിമല യുവതീ പ്രവേശന പ്രക്ഷോഭത്തെ തുടര്‍ന്ന് 993 കേസുകള്‍ നേരിടുന്നുണ്ട്. വി മുരളീധരനെതിരേ എത്ര കേസുകള്‍ ഉണ്ട്. എന്‍ഡിഎ കണ്‍വീനര്‍ തുഷാര്‍ വെള്ളാപ്പള്ളിക്കെതിരേയുള്ളത് സാമ്പത്തിക തട്ടിപ്പ് കേസുകളാണ്. തനിക്കെതിരേ അത്തരം കേസുകളില്ലെന്നും സെന്‍കുമാര്‍ പറഞ്ഞു.
