സിപിഎമ്മിനെ വെല്ലുവിളിച്ച് മത്സരിച്ച വിമതർക്ക് ജയം. ആദ്യ അട്ടിമറി ജയം പയ്യന്നൂരിൽ, കോൺഗ്രസ് പിന്തുണയോടെയാണ് വി കുഞ്ഞികൃഷ്ണൻ മിന്നും വിജയം നേടിയത്. അതേസമയം എംവി ഗോവിന്ദന്റെ ഭാര്യ പി കെ ശ്യാമളയെ തള്ളിയാണ് തളിപ്പറമ്പിൽ ടി കെ ഗോവിന്ദൻ ഒന്നാമതെത്തിയത്.
പയ്യന്നൂർ നിയോജക മണ്ഡലത്തിൽ കോൺഗ്രസ് പിന്തുണയോടെയാണ് മുൻ സിപിഎം നേതാവ് വി കുഞ്ഞികൃഷ്ണൻ മത്സരിച്ചത്. 7,487 വോട്ടിന്റെ ഭൂരിപക്ഷത്തിൽ ഇപ്പോൾ അട്ടിമറി വിജയം നേടി. കഴിഞ്ഞ തവണ 49,780 വോട്ടിന്റെ റെക്കോർഡ് ഭൂരിപക്ഷത്തിൽ സിപിഎം വിജയിച്ച മണ്ഡലത്തിലാണ് ഈ അട്ടിമറി സംഭവിച്ചത്.
Read more
കണ്ണൂരിലെ സിപിഎമ്മിൻ്റെ കരുത്തുറ്റ കോട്ടകളിലൊന്നായ തളിപ്പറമ്പിലടക്കം വൻ പരാജയമാണ് പാർട്ടി നേരിട്ടത്. തളിപ്പറമ്പിലുണ്ടായ പൊട്ടിത്തെറി സൃഷ്ടിച്ച അടിയൊഴുക്കുകൾ തടയാനാവാതെ ഇടതുപക്ഷം വിയർത്തു. പി.കെ. ശ്യാമളയെ സ്ഥാനാർഥിയാക്കിയതിൽ പ്രതിഷേധിച്ച് പാർട്ടി വിട്ടയാളാണ് ജില്ലാ സെക്രട്ടേറിയറ്റ് അംഗം ടി.കെ. ഗോവിന്ദൻ. ഇതേ ഗോവിന്ദൻ തന്നെ ശ്യാമളയെ വീഴ്ത്തിയതോടെ സിപിഎം നേരിട്ടത് മണ്ഡലചരിത്രത്തിൽ ഇതുവരെ നേരിടാത്ത തോൽവി.
