മണ്ഡല-മകരവിളക്ക് തീർഥാടനത്തിന് തുടക്കം കുറിച്ച് ശബരിമല ശ്രീധർമശാസ്താ ക്ഷേത്ര നട തുറന്നു. വൈകുന്നേരം 4.55ന് കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി അരുൺകുമാർ നമ്പൂതിരി നട തുറന്ന് ദീപം തെളിയിച്ചു. ഉച്ചയ്ക്ക് ഒന്നു മുതല് സന്നിധാനത്തേക്ക് കടത്തിവിട്ട ആയിരക്കണക്കിന് തീര്ഥാടകരാണ് ദർശനത്തിനായി നടപ്പന്തലിൽ കാത്തിരുന്നത്.
കഴിഞ്ഞ ഒരുവര്ഷത്തെ ശബരിമല മേല്ശാന്തി അരുണ് കുമാര് നമ്പൂതിരിയും മാളികപ്പുറം മേല്ശാന്തി ടി.വാസുദേവന് നമ്പൂതിരിയും രാത്രി 10ന് നടയടച്ചശേഷം പതിനെട്ടാംപടി ഇറങ്ങി നാട്ടിലേക്ക് മടങ്ങും. തിങ്കളാഴ്ച പുലര്ച്ചെ മൂന്നിന് വൃശ്ചികപ്പുലരിയില് പുതിയ മേല്ശാന്തിമാരാണ് സന്നിധാനം, മാളികപ്പുറം നടകള് തുറക്കുക.
ബരിമലയില് പ്രതിദിനം തൊണ്ണൂറായിരം പേര്ക്കാണ് പ്രവേശനം അനുവദിക്കുക. തിങ്കളാഴ്ച പുലര്ച്ചെ മൂന്നിന് വൃശ്ചിക പുലരിയില് പുതിയ മേല്ശാന്തിമാര് ശബരിമല, മാളികപ്പുറം നടകള് തുറക്കുന്നതോടെ തീര്ഥാടനം ആരംഭിക്കും.
അതേസമയം, 70,000 പേര് ഡിസംബര് രണ്ട് വരെ വെര്ച്യല് ക്യൂ വഴി ദര്ശനം ബുക്ക് ചെയ്തിട്ടുണ്ട്. ഡിസംബര് 2 വരെ വെര്ച്യുല് ക്യൂ ബുക്കിങ്ങില് ഒഴിവില്ല. 20,000 പേര്ക്ക് സ്പോട്ട് ബുക്കിങ് വഴി ദര്ശനം നടത്താം. ഒരു ദിവസം 90,000 പേര്ക്കാണ് ദര്ശനത്തിന് അനുമതിയുള്ളത്. പമ്പയില് ഒരേസമയം 10,000 പേര്ക്ക് വിശ്രമിക്കാന് കഴിയുന്ന പത്ത് നടപ്പന്തലുകളും ജര്മന് പന്തലും ഉണ്ട്.
Read more
ശബരിമലയില് വിപുലമായ ആരോഗ്യ സേവനങ്ങളും ഉറപ്പാക്കിയിട്ടുണ്ട്. ദേവസ്വം ബോര്ഡിന്റെ സഹകരണത്തോടെ പമ്പ മുതല് സന്നിധാനം വരെയുള്ള പാതയില് എമര്ജന്സി മെഡിക്കല് സെന്ററുകള് സജ്ജമാക്കിയിട്ടുണ്ട്. കോന്നി മെഡിക്കല് കോളേജ് ബേസ് ആശുപത്രിയായി പ്രവര്ത്തിക്കും. പത്തനംതിട്ട ജനറല് ആശുപത്രിയില് അടിയന്തര കാര്ഡിയോളജി ചികിത്സയും ലഭ്യമാക്കി. സന്നിധാനത്ത് നിന്നും പമ്പയിലേക്ക് പ്രത്യേക ആംബുലന്സ് സേവനവും ലഭ്യമാണ്.
