ഗോള്വാള്ക്കറിനെ കുറിച്ചുള്ള പരാമര്ശത്തിലുറച്ച് പ്രതിപക്ഷ നേതാവ് വി.ഡി സതീശന്. ആര്എസ്എസ് നോട്ടീസ് അര്ഹിക്കുന്ന അവജ്ഞയോടെ തള്ളിക്കളയുന്നുവെന്ന് സതീശന് പറഞ്ഞു. ആര്എസ്എസ് തനിക്കയച്ചത് വിചിത്രമായ നോട്ടീസാണ്. പറഞ്ഞതില് ഉറച്ചു നില്ക്കുന്നെന്നും നിയമനടപടി നേരിടാന് തയാറാണെന്നും സതീശന് പറഞ്ഞു.
ഗോള്വാള്ക്കറിനെ കുറിച്ചുള്ള പരാമര്ശത്തില് പ്രതിപക്ഷനേതാവ് വി ഡി സതീശന് ആര്എസ്എസ് നോട്ടീസ് അയച്ചിരുന്നു. മുന് മന്ത്രി സജി ചെറിയാന്റെ വിവാദ പ്രസംഗം ഗോള്വാള്ക്കറിന്റെ ബഞ്ച് ഓഫ് തോട്സ് എന്ന പുസ്തകത്തിലുണ്ടെന്ന പ്രതിപക്ഷ നേതാവിന്റെ പരാമര്ശത്തിന് എതിരെയാണ് നോട്ടീസ്. ഈ പുസ്കത്തില് സജി ചെറിയാന് പറഞ്ഞ അതേവാക്കുകള് കൃത്യമായി പറഞ്ഞിട്ടുണ്ടെന്നായിരുന്നു പ്രതിപക്ഷ നേതാവിന്റെ പ്രസ്താവന.
Read more
എന്നാല് ഗോള്വാള്ക്കറുടെ ബഞ്ച് ഓഫ് തോട്ട്സില് സജി ചെറിയാന് പറഞ്ഞ വാക്കുകളില്ലെന്ന് ആര്എസ്എസ് നോട്ടീസില് പറയുന്നു. സജി ചെറിയാന് പറഞ്ഞ അതേ വാക്കുകള് ബഞ്ച് ഓഫ് തോട്ട്സില് എവിടെയാണെന്ന് അറിയിക്കണം. അതിന് സാധിക്കാത്ത പക്ഷം പ്രസ്താവന പിന്വലിക്കണം. ഇല്ലെങ്കില് നിയമനടപടി സ്വീകരിക്കുമെന്നാണ് നോട്ടീസിലുള്ളത്.