രാഹുല് മാങ്കൂട്ടത്തില് എംഎല്എയെ അറസ്റ്റ് ചെയ്തതിനു പിന്നാലെ ഫെയ്സ്ബുക്കില് വൈകാരിക കുറിപ്പുമായി ആദ്യം പരാതി നല്കിയ യുവതി. ദൈവത്തിന് നന്ദിയെന്ന് പറഞ്ഞുകൊണ്ടാണ് രാഹുല് മാങ്കൂട്ടത്തിലിനെതിരെ ആദ്യം പരാതി നല്കിയ അതിജീവിത കുറിപ്പ് പങ്കുവെച്ചത്. ഇരുട്ടില് ചെയ്ത പ്രവര്ത്തികള് ദൈവം കണ്ടെന്നും എങ്ങും എത്താതിരുന്ന നിലവിളി ദൈവം കേട്ടെന്നും അവള് കുറിച്ചു. മാലാഖ കുഞ്ഞുങ്ങള് സ്വര്ഗത്തില്നിന്ന് തങ്ങളോട് ക്ഷമിക്കട്ടെയെന്നും അതിജീവിത ഫെയ്സ്ബുക്കില് കുറിച്ചു. അച്ഛനാകാന് യോഗ്യതയില്ലാത്ത ഒരുത്തനെ വിശ്വസിച്ച് തിരഞ്ഞെടുത്തതിന് തന്നോട് പൊറുക്കണമെന്ന് കുട്ടിയോട് അപേക്ഷിക്കുന്നതാണ് കുറിപ്പിലെ ഉള്ളടക്കം.
ഫെയ്സ്ബുക്ക് പോസ്റ്റിന്റെ പൂർണരൂപം
ഏറെ പ്രിയപ്പെട്ട ദൈവമേ…
എല്ലാ വേദനകളും, വിവേചനങ്ങളും വഞ്ചനകളും സഹിച്ച് മുന്നോട്ട് പോകാൻ ധൈര്യം നൽകിയതിന് നന്ദി. ഇരുട്ടിൽ അയാൾ ചെയ്ത പ്രവർത്തി നീ കണ്ടു. ലോകത്തിന് മുന്നിൽ എത്താതിരുന്ന നിലവിളികൾ നീ കേട്ടു. ഞങ്ങളുടെ ശരീരം ആക്രമിക്കപ്പെട്ടപ്പോഴും ഞങ്ങളുടെ കുഞ്ഞുങ്ങളെ ബലപ്രയോഗത്തിലൂടെ തട്ടിയെടുത്തപ്പോളും നീ ഞങ്ങളെ ചേർത്തു പിടിച്ചു. ആ മാലാഖ കുഞ്ഞുങ്ങൾ സ്വർഗത്തിൽ നിന്ന് ഞങ്ങളോട് ക്ഷമിക്കട്ടെ. തെറ്റായ വ്യക്തിയെ വിശ്വസിച്ച് കുട്ടിയുടെ പിതാവാകാൻ യോഗ്യനല്ലാത്ത ഒരാളെ തിരിഞ്ഞെടുത്തതിന് ക്ഷമ ചോദിക്കുന്നു.
ആ മാലാഖ കുഞ്ഞുങ്ങളുടെ ആത്മാക്കൾ സമാധാനത്തോടെ വിശ്രമിക്കട്ടെ. അക്രമത്തിൽ നിന്നും ഭയത്തിൽ നിന്നും ഞങ്ങളെ സംരക്ഷിക്കാൻ കഴിയാത്ത ഈ ലോകത്തിൽ നിന്നും ആ മാലാഖ കുഞ്ഞുങ്ങൾ സ്വതന്ത്രരായിരിക്കട്ടെ. നമ്മുടെ കണ്ണുനീർ സ്വർഗത്തിൽ എത്തിയാൽ, അവർ നിങ്ങളോട് ഇക്കാര്യം പറയട്ടെ. നിങ്ങളുടെ അമ്മ ഒരിക്കലും നിങ്ങളെ മറന്നില്ല. നിങ്ങളുടെ അസ്ഥിത്വത്തിന് വിലയുണ്ടായിരുന്നു, നിങ്ങളുടെ ആത്മാവിനും.
Read more
വീണ്ടും കണ്ടുമുട്ടുന്നതുവരെ അമ്മമാർ നിങ്ങളെ ഞങ്ങളുടെ ഹൃദയങ്ങളിൽ താലോലിക്കും. കുഞ്ഞാറ്റേ, അമ്മ നിന്നെ അങ്ങേയറ്റം സ്നേഹിക്കുന്നു.
