കൊല്ലം ഡിസിസി അധ്യക്ഷയും കോണ്‍ഗ്രസ് നേതാവുമായ ബിന്ദു കൃഷ്ണയ്ക്കെതിരെ പോക്സോ ചുമത്തി. ഓച്ചിറ പൊലീസാണ് കേസ് രജിസ്റ്റര്‍ ചെയ്തിരിക്കുന്നത്. പ്രായപൂര്‍ത്തിയാകാത്ത പെണ്‍കുട്ടിയെ ഓച്ചിറയില്‍ നിന്നും തട്ടിക്കൊണ്ടുപോയിരുന്നു. ഈ സംഭവം അറിഞ്ഞ ബിന്ദു കൃഷ്ണ പെണ്‍കുട്ടിയുടെ മാതാപിതാക്കളെ സന്ദര്‍ശിച്ചു അവരുടെ കൂടെ ഫോട്ടോയുമാണ് ബിന്ദു കൃഷ്ണ അത് സോഷ്യല്‍ മീഡിയയില്‍ പങ്കുവച്ചു.
ഇതാണ് കേസ് രജിസ്റ്റര്‍ ചെയാനുള്ള കാരണം. കേസിലെ പെണ്‍കുട്ടിയുടെ മാതാപിതാക്കളോടൊപ്പമുള്ള ചിത്രം പ്രചരിപ്പിച്ചതായിട്ടാണ് കേസ്.
Read more
ലൈംഗിക ചൂഷണ കേസിലും പോക്സോ കേസിലും ഇരകളാകുന്നവരെ തിരിച്ചറിയുന്ന വിധത്തില്‍ ചിത്രമോ പേരോ പ്രസിദ്ധീകരിക്കുന്നത് നിയമലംഘനമാണ്. ഇതാണ് ബിന്ദു കൃഷ്ണയ്ക്ക് വിനയായി മാറിയത്. തുടര്‍ന്ന് ഫെയ്‌സ്ബുക്ക് പോസ്റ്റ് ബിന്ദുകൃഷ്ണ പിന്‍വലിച്ചു. പോസ്റ്റ് ചെയ്തവര്‍ക്കെതിരെയും അന്വേഷണം നടത്തുമെന്നും പൊലീസ് അറിയിച്ചു.
