പൗരത്വ നിയമ ഭേദഗതിക്കെതിരെ സമരവും പ്രക്ഷോഭവും നടത്തുമെന്ന് മുസ്‌ലിം സംഘടനകള്‍. നിയമം പിന്‍വലിക്കുന്നത് വരെ സമരം തുടരാനും ദേശീയ തലത്തില്‍ തന്നെ പ്രക്ഷോഭം സംഘടിപ്പിക്കാനുമാണ് തീരുമാനം. വിവിധ മുസ്‌ലിം സംഘടനാ നേതാക്കളുടെ യോഗത്തിനു ശേഷം നടത്തിയ വാര്‍ത്താ സമ്മേളനത്തിലാണ് നേതാക്കള്‍ ഇക്കാര്യം അറിയിച്ചത്.
Read more
ജനുവരി രണ്ടിന് കൊച്ചിയില്‍ സമര പ്രഖ്യാപന സമ്മേളനം നടത്തും. മതേതര പാര്‍ട്ടികളുടെയും സംഘടനകളുടെയും ആലോചനാ യോഗം ഡല്‍ഹിയില്‍ ചേരും. സമര പരിപാടികളുടെ ഏകോപനത്തിനായി കെ.പി.എ. മജീദ് കണ്‍വീനറായ സബ് കമ്മിറ്റി രൂപീകരിച്ചു.വരാനിരിക്കുന്ന എല്ലാ സമരങ്ങളും സൗഹാര്‍ദപരമായും സമാധാനപരമായും ആക്കിത്തീര്‍ക്കേണ്ടത് എല്ലാവരുടെയും ഉത്തരവാദിത്വമാണെന്ന് പാണക്കാട് ഹൈദരലി തങ്ങള്‍ പറഞ്ഞു.
