ലോക്‌സഭ തിരഞ്ഞെടുപ്പില്‍ വടകരയില്‍ കെ മുരളീധരന്‍റെ വിജയത്തില്‍ സന്തോഷം പ്രകടിപ്പിച്ച് ആര്‍എംപി നേതാവ് കെ.കെ രമ. “രക്തസാക്ഷിത്വം എന്നെഴുതിയ ടി.പി ചന്ദ്രശേഖരന്റെ ചിത്രം സോഷ്യല്‍ മീഡിയയില്‍ പോസ്റ്റ് ചെയ്താണ് പി ജയരാജന്റെ തോല്‍വിയില്‍ കെ.കെ രമ സന്തോഷം പ്രകടിപ്പിച്ചത്.
കൊലയാളി രാഷ്ട്രീയ നേതൃത്വത്തിന്റെ കണ്ണില്‍ ചോരയില്ലാത്ത കത്തി വീശലില്‍ തണല്‍ നഷ്ടപ്പെട്ടു പോയ കുഞ്ഞുങ്ങള്‍ക്ക്, താലിയറ്റുപോയ സഹോദരിമാര്‍ക്ക്, കണ്ണീരുണങ്ങാത്ത അമ്മമാര്‍ക്ക് ഞങ്ങളീ വിജയം സമര്‍പ്പിക്കുന്നതായി രമ പറയുന്നു. കൊലയാളി രാഷ്ട്രീയക്കാരുടെ വെല്ലുവിളിയെ ചങ്കുറപ്പോടെ എതിരിട്ട വടകരയിലെ നന്മ വറ്റാത്ത മനസ്സുകള്‍ക്ക് സ്‌നേഹാഭിവാദ്യങ്ങള്‍ അര്‍പ്പിക്കുന്നതായും രമ കൂട്ടിച്ചേര്‍ത്തു.
രമയുടെ ഫെയ്‌സ്ബുക്ക് പോസ്റ്റ് ഇവിടെ വായിക്കാം
https://www.facebook.com/kkrema/photos/a.651608101565617/2347353481991062/?type=3&theater
Read more
നിരവധി പേരാണ് രമയെ പിന്തുണച്ച് ഈ ഫെയ്‌സ്ബുക്ക് പോസ്റ്റിന് അടിയില്‍ കമന്റുകളാണ് രംഗത്തെത്തിയിരിക്കുന്നത്. വടകരയില്‍ 83 ശതമാനം വോട്ട് എണ്ണക്കഴിഞ്ഞപ്പോള്‍ അറുപത്തി അയ്യായിരത്തിലധികം വോട്ട് നേടി കെ മുരളീധരന് ലീഡ് ചെയ്യുകയാണ്. ഇപി ജയരാജനെതിരെ ആര്‍എംപിയുടെ പരസ്യപിന്തുണ മുരളീധരന് ഉണ്ടായിരുന്നു.
