ടിപി ചന്ദ്രശേഖരന് വധക്കേസിലെ പ്രതികള് പൊലീസ് കാവലില് മദ്യപിക്കുന്ന ദൃശ്യങ്ങള് പുറത്ത്. കൊടി സുനിയും സംഘവും മദ്യപിക്കുന്ന ദൃശ്യങ്ങളാണ് പുറത്തുവന്നത്. തലശേരിയിലെ ഹോട്ടലിന്റെ മുറ്റത്ത് വച്ചായിരുന്നു പരസ്യ മദ്യപാനം. സംഭവത്തില് കണ്ണൂരിലെ മൂന്നു സിവില് പൊലീസ് ഓഫീസര്മാരെ കഴിഞ്ഞ ദിവസം സസ്പെന്ഡ് ചെയ്തിരുന്നു.
എആര് ക്യാമ്പിലെ പൊലീസുകാരായ വൈശാഖ്, വിനീഷ്, ജിഷ്ണു എന്നിവരെയാണ് സസ്പെന്ഡ് ചെയ്തത്. കോടതിയില് നിന്ന് മടങ്ങുമ്പോള് കുറ്റവാളികള്ക്ക് മദ്യവുമായി സുഹൃത്തുക്കള് എത്തുകയായിരുന്നു. സംഘത്തില് കൊടി സുനിക്കൊപ്പം ടിപി കേസിലെ മറ്റുപ്രതികളായ മുഹമ്മദ് ഷാഫിയും ഷിനോജും ഉണ്ടായിരുന്നു.
Read more
തലശേരി കോടതിയില് നിന്ന് വരുന്ന വഴിയാണ് പ്രതികള് മദ്യം കഴിച്ചത്. ഭക്ഷണം കഴിക്കാന് കയറിയ ഹോട്ടലില് വച്ച് മദ്യം കഴിക്കാന് അവസരമൊരുക്കുകയായിരുന്നു, സംഭവം പുറത്തു വന്നതോടെയാണ് പൊലീസുകാര്ക്കെതിരെ നടപടിയെടുത്തത്.
