യുവാക്കൾ മന്ത്രി സ്ഥാനത്തേക്ക് എത്തേണ്ടത് കാലഘട്ടത്തിന്റെ ആവശ്യമാണെന്ന് ഓർത്തഡോക്സ് സഭ. നിയുക്ത പുതുപ്പള്ളി എംഎൽഎ ചാണ്ടി ഉമ്മന്റെ മന്ത്രിസ്ഥാനത്തിൽ മാറ്റം ഉണ്ടാകുമെന്ന് കരുതുന്നില്ലെന്നും സഭ പറഞ്ഞു. ചാണ്ടി ഉമ്മൻ മന്ത്രിയാകും എന്ന് തന്നെയാണ് അറിയാൻ കഴിയുന്നതെന്ന് കുന്നംകുളം ഭദ്രാസനാധിപൻ ഡോ. ഗീവർഗീസ് മാർ യൂലിയോസ് പറഞ്ഞു.
യുവാക്കളെ പരിഗണിക്കുന്നതിൽ തമിഴ്നാട് ഉദാഹരണമാണെന്നും ഓർത്തഡോക്സ് ക്രൈസ്തവ യുവജന പ്രസ്ഥാനം കേന്ദ്ര പ്രസിഡന്റ് ചൂണ്ടിക്കാട്ടി. ചാണ്ടി ഉമ്മന് മന്ത്രി സ്ഥാനം നൽകുന്ന തീരുമാനത്തിൽ മാറ്റം വരുന്നത് നല്ലതല്ലെന്ന് അദ്ദേഹം പറഞ്ഞു.
അതേസമയം, പാർട്ടി സ്ഥാനങ്ങൾ തന്നാലും ഇല്ലെങ്കിലും പാർട്ടിക്കാരനായി തന്നെ നിലകൊള്ളുമെന്നാണ് കഴിഞ്ഞ ദിവസം ചാണ്ടി ഉമ്മൻ മാധ്യമങ്ങളോട് പ്രതികരിച്ചത്. കഴിഞ്ഞ ദിവസം നിയുക്ത മുഖ്യമന്ത്രി വി ഡി സതീശനെ അദ്ദേഹം സന്ദർശിച്ചതിന് പിന്നാലെയായിരുന്നു ചാണ്ടി ഉമ്മന്റെ പ്രതികരണം.
Read more
